_ممكن تعرفنا بنفسك؟
أنا إبراهيم أبو مبارك عندي 19سنه، في تانيه كلية لغه عربية جامعه المنصورة.
_اكتشفت موهبتك وانت عندك كام سنه؟
أنا اكتشفت الموهبة وأنا عمري 17سنه كنت في تانية ثانوي في الوقت ده.
_بدايتك كانت ازاي؟
بدايتي كنت مشترك في جروب تانية ثانوي وكان واحد منزل رسمه كارتون فقررت ارسمه ولكن مطلعتش بنتيجة حاولت تاني طلعت بنتيجة مش أوي تالت مره عجبني جدا.
_حد علمك فن الرسم ولا هو موهبه؟
انا محدش علمني الرسم أنا اتعلمت الرصاص الأول لأن الرصاص أهم حاجه لكن بعد كده حبيت أكون مختلف، وان اطلع فن جديد بفكره جديده وان استخدم اي حاجه قدامي وطلع منها تحفه فنية.
_لكل شخص ناجح حد بيحقد عليه.. هل واجهت إحباط في بداية طريقك؟
انا أحبط كتير لحد مجالي وقت إن أبطل الرسم فيه لكن بعد كده قولت لازم أخلي أي حد احبطني أخليه هو اللي يطلب مني ارسمه.
_وقت الرسم بيكون قد ايه؟
الوقت بيكون على حسب كل رسمه والتفاصيل اللي فيها وكده لكن أكتر رسمه اخت وقت أخدت 5 ساعات.
_بتعرض شغلك ازاي؟
انا بعرض شغلي كله علي مواقع التواصل الاجتماعي.
_شاركت في معرض الكتاب قبل كدا؟
اه طبعا شاركت في معرض الكتاب التاسع في المنصورة
_حلمك وطموحك توصل لايه في الفترة الجاية؟
حلمي أن أصبح فنان عالمي، وإن أفتح معارض أضم فيها فنانين كبار، وإن أكون سبب أن أبقى شرف لمصر.
