كتب:علي الشيخ
نشر الفنان وليد فواز صور بصحبة المخرج أحمد خالد موسى، عبر حسابها الشخصي بموقع تبادل الصور والفيديوهات”إنستجرام.
وعلق عليها قائلا “:نبدأ منين؟
من أول الحكاية ولا آخرها؟، تعالوا نرجع شوية 20 سنه كفاح ومعافرة عشان الناس تشوفني؛ خلال الفترة دي دقت النجاح والفشل وخلال الرحلة كنت ماشي بهدف واحد وهو الوصول للشهرة والنجومية ومتسلح بسلاح ذو حدين وهو الموهبة.
وأضاف وليد فواز كنت فاكر ساعتها إني عشان موهوب ليا كامل الحق في الوصول والتعامل مع أي حد من منطلق إني جامد ومفيش زيي، مكنتش واخد بالي إني في عز ما أنا بتقدم بخسر نفسي وناس كانت مؤمنة بيا.
وأكد أن النجاح طعمه أحلي من أي حاجة النجاح “شهوة “، هي نفسها ممكن تخليك تتحول لشخص تاني إنت تخاف تشوفه في المراية مضيفًا “الشهوة” دي خلتني آخد قرارات مش صح 100٪ في حياتي وشغلي.
وأعرب فواز عن سعادته الشديد بحب الناس قائلاً :النهاردة أنا مبسوط بحب الناس الكبير بفضل الله، لما بدأت أكلم ربنا بجد وأحاول أترجم الإشارات وأفهم الحكمة من أي حاجة مريت بيها، بدأت أفهم نفسي من أول وجديد
وأعرف إن مفيش حاجة في حياتك بتحصل صدفة، وإن ربنا عايزني أتغير للأفضل،إنسان عايش للناس وبالناس.
وأكمل قررت أرجع كوليد جديد، مفارقة جميلة جدا، إسمي وليد وبتولد من تاني وإشتغلت على نفسي وأحط إيدي على الغلط، لماصلحت علاقتي بربنا فهمت المعني الحقيقي للعلاقة بين العبد وربه.
وأفاد أن معني الصبر علي التغيير؛ لعبت رياضة نفسية وجسدية، ليه اخترت الصورة دي بالذات، الراجل إللي في الصورة ده هو الوحيد اللي آمن إني آستاهل فرصة تانية، الغريب إني أعرف أحمد من زمان جدا وعمرنا مشتغلنا مع بعض.
النجاح الكبير اللي حصل بسبب نصرة ربانية كبيرة بعد ماعملت اللي عليا مش بس فنيا لكن الأهم إنسانيا، إزاي تهزم نفسك، إزاي تتغير، النصرة دي حصلت بعد مصالحت نفسي الأول، النهاردة وأنا ناجح وعليا الأضواء بفضل الله وتوفيقه، بوعدكم و بوعد نفسي قبلكم إني مش هاأخسر وليد تاني أبدا بإذن الله.
وأنهى علاقتي الإنسانية بالبشر أهم مليون مرة من أي نجاح، الناس هي الكنز الحقيقي، أنا مسامح أي حد غلط في حقي أو ظلمني.
ويخوض الفنان وليد فواز السباق الرمضاني بمسلسلين “ملوك الجدعنة “، “لحم غزال”.
مسلسل “ملوك الجدعنة” سيناريو وحوار ورشة عبير سليمان، معالجة درامية محمد سيد بشير، إخراج أحمد خالد موسى، يشارك في بطولته ، عمرو سعد، رانيا يوسف، ياسمين رئيس ودلال عبدالعزيز، إلى جانب الفنان الراحل يوسف شعبان.
تدور أعمال مسلسل “ملوك الجدعنة” حول سرية وسفينة يسرقان شنطة مليئة بالألماظ بعد مقتل صديقهم علي، ومن هنا يبدأ صراعهم مع العتال.
