شاركت منه الله محمود عبد الهادي ملكة جمال مصر 2021 في مسابقة miss intercontinental world في نسخته الـ 49، وهي مسابقة عالمية تشارك فيها بنت واحدة من كل بلد، يأتي ذلك بعد الحصول على miss intercontinental Egypt 2021.
منة الله عبد الهادي ملكة جمال مصر
وحاور “” منة الله محمود عبد الهادي، ملكة جمال مصر 2021، لمعرفة الصعوبات التي واجهتها لحسم اللقب، وما الذي يميزها عن باقي المتسابقين بالإضافة إلى طموحاتها في الفترة المقبلة.
– في البداية كيف كان شعورك عند مشاركتك في مسابقة miss intercontinental world؟
شعور ميتوصفش خصوصًا إن دى مش أول مسابقه ليا عالميًا فكنت فرحانه جدًا و فرحت أكتر من تشجيع أهلي.
– كيف كانت بداياتك في مجال التسويق؟
بدأت وأنا عندى 17 سنة نزلت تدريب في شركة أصحابي ومن 18 سنة بدأت اشتغل في مجال الماركتينج لحد متفوقت فيه الحمد لله.
– بالرغم من دراستك كنتي تعملي في مجال الماركتنج فلم يأثر ذلك على دراستك؟
دارستي كانت إدارة أعمال وتخصصت ماركتينج فكت بدرس اللي بشتغله و ده شجعني أكثر.
miss intercontinental world
– مالذي يميز “منة الله” عن بقية المشاركين في مسابقة ملكة جمال مصر ؟
أنا كنت البنت العربية الوحيده في المسابقة و دا اللي شجعني أبرز شخصيتي أكثر ورفع اسم مصر في المحافل الدولية والعالم كله يعرف ان البنات المصرية تقدر تنافس في اي مسابقة خارج بلدها.
– ما هي طموحاتك التي تسعي لتحقيقها؟
طموحاتي هي إن في يوم من الأيام أكون بعمل ماركتينج للبنات الى بتكسب فى المسابقات الـ international عشان دول بيقدموا حاجه كبيرة لبلدهم وبيمثلوا كل بنت مصرية والماركتينج مش بيتركز معاهم كفاية.
– ماذا لو عرض عليكي عمل فني؟
مفكرتش فى أي عمل فني بس هتحمس جدا لو اتعرض عليا.
– ما هي الصعوبات التي واجهتك من أجل حسم اللقب؟
الصعوبات كانت إن المنافسه كانت صعبة جدا لاننا بنافس أمام كل بنات العالم و بتحكمنا عادات وتقاليد في إني معرفتش أشارك في مسابقه زي السباحه وده نقص مني درجات كتير حاولت اعوضها فى حاجات تانيه تتفق مع عاداتنا.
– وجهي نصيحة لكل من يريد حصد اللقب؟
نصيحتى للبنت اللي هتكون بعدى إنها تدرب كويس و تكون على قدر كبير جدا من الثقة بالنفس و تقدر ترفع اسم مصر أمام كل بلاد العالم.
