حوار : خالد حمادة
في البداية.. عرفينا بنفسك؟
ج : اسمي خلود خالد في كلية تجارة جامعة الاسكندرية.
كلمينا أكتر عن مجال موديل فاشون؟
ج : بدأت أنزل كموديل في البداية وكنت بنزل تصوير ميك اب وأثبت شغلي فيه كويس جدًا وبدأت أكتر من ميكاب أرتست بروفشنال تحب تشتغل معايا لأن ملامحي بتحب الميك اب وظهرت في برامج تلفزيونية بعدين اتجهت للفاشون، واتعاملت مع أكتر من براند وحبيت نفسي في المجال جدًا.
الفرصة جتلك إزاي ومين اللي رشحك للمجال؟
ج : من وأنا صغيرة بحب جدًا التصوير وبحب الكاميرا جدًا وجاتلي الفرصة لما رشحتني ميك اب أرتست صديقة ليا إننا نعمل سيشن سوا، وفعلا عملنا السيشن وعجبنا جدًا ومن بعدها كتير جدًا حبوا أشتغل معاهم وبدأنا نتقدم ونعمل أحسن شغل.
ما أهم أعمالك اللي شاركتي فيها؟
ج : ظهرت في أكتر من 20 لوك ميك اب واتعاملت مع أكتر من مصنع لمجال الفاشون.
هل كان في أي عوائق بتقصير أثناء التصوير؟
ج : أكيد طبعًا كان في صعوبات واجهتني إن أنا دخلت المجال وأنا بدرس وكنت أوقات بنزل وقت امتحاناتي وصعوبات تانية إن كنت بنزل محافظات للتصوير ولكن كل دا كان بينتهي أول لما أشوف نتيجة شغلي في الآخر.
ما هي أعمالك القادمة؟
ج : أعمالي القادمة إن شاء الله هيكون إعلان وبإذن الله هيكسر الدنيا.
ما هي طموحات خلود خالد خلال الفترة الجايه؟
ج : طموحاتي أشارك في أعمال أكتر وإن أكون موديل عالمية.
نفسك تشاركي مع مين في مجال الموديل؟
ج : مفيش شخصية محددة لكن كل ما هو بروفيشنال أتمنى أشارك معاه.
ما رسالتك ؟
ج : بتمنى إن أي شخص يفكر يدخل مجال يكون عن حب مش للربح منه.
