عمرو طرزان-نبذة عن حياتك ؟
عمرو ايهاب طرزان، ومشهور بـ طرزان، طالب بالصف الثالث الثانوي بالأزهر الشريف، من محافظة سوهاج – مركز سوهاج، وعندي 18 سنة.
-من هو مثلك الاعلي في التصوير محلياً وعالمياً ؟
المصور العالمي “Calob Castellon”
-ما هو شعورك عقب إنتهاء التصوير ؟
برغم اني بكون إنتهيت من التصوير بشعر بالزعل لان التصوير يمتعوني حقا.
-ما هي العقبات التي واجهتك خلال مسيرتك ؟
اكيد لازم تواجهني عقبات بس العقبات دي هيا الي بتعلم الواحد يعني انا في بداية مسيرتي كان عندي مشكلة مادية في اني اجيب كاميره بروفيشيونال وكان سعرها حوالي 60000 جنيه تقريبا وانا كان سني 12 سنه و قولت لازم اشتغل وبدأت اجمع فلوس لغاية لما بقي معايا جزء من مبلغ الكاميره و استلفت الجزء الباقي وجبتها بعد سنة والحمدلله قدرت اسدد المبلغ الي استلفتو من شغلي بالكاميره ومن وقتها هواية التصوير فكرت فيها كـ مهنة بجانب الهواية.
-هل هذا عملاً أم هواية من الصغر ؟
في الواقع هوا هواية من سن 9 سنين وكان تصويري بيعجبهم جدا وعندما رأيتهم يشكرون في تصويري ، وقتها بس عرفت ان عندي موهبة التصوير و طورت من نفسي في المجال دا ونزلت شغل مع مصورين كبار لغرض التعليم و ليس لغرض المهنة.
-برأيك من هو أفضل مصور فوتوغرافي في مصر ؟
المصور الفوتوغرافي “احمد راغب”
-ما الذي يبرز أعمال (Amr E. Tarzan) عن باقي المصورين ؟
تعمقت في اكتر من نوع من التصوير ولقيت نفسي بميل لتصويـر الـ Portrait و تصوير الـ Wedding و تصوير الـ Landscape و دول من اكتر انواع التصوير الي بحبها، وطورت من نفسي بإني اخد كورسات Photoshop و Lightroom لعمل تعديلات علي الصور و قمت بتصوير حفلات و Events في سوهاج وعملت بيدج علي فيسبوك ولقيت دعم كبير من المتابعين وحصدت البيدج الخاصة بي علي فيسبوك ما يقارب 215الف متابع “Tarzan Photography” وعلي الانستجرام ما يقارب 59ألف متابع و علي حسابي الشخصي علي فيسبوك ما يقارب 100الف متابع “Amr E. Tarzan” وتم هذا في وقت قصير الي حد ما و اظن ان هذا يدل علي جودة الصور .
-وجه نصيحة لكل البادئين في التصوير من حيث البرامج وأنواع الكاميرات ؟
بنصحهم انهم يمارسو التصوير كتير وبإستمرار ومش شرط علشان تصور يكون معاك كاميره وتكون بروفيشيونال وكده لا عادي ممكن تصور بكاميره الفون بتاعك وهتتعلم حاجات كتير وفي وقت اسرع و كمان من اهم النقاط هي “التغزية البصرية” يعني لازم تشوف صور كتير بحيث تتعلم من الصور دي ومن اهم البرامج برنامج “Adobe Photoshop”.
-وجه كلمة لكل متابعينك ومؤيدينك ؟
بحب اقولهم اني مش بعتبركم متابعين ولا فانز لا خالص انا بعتبركم اخواتي وبحبكم جدا وبحب اشكر المؤيدين ليا وبشكرهم جدا علي دعمهم ليا والي انا فيه دلوقتي بسببكم من بعد ربنا.
