حرصت الفنانة إيمي طلعت زكريا على مشاركة متابعيها، عبر موقع التواصل الإجتماعي لتبادل الصور والفيديوهات القصيرة “إنستجرام” صورة جديدة لها.
وعلقت إيمي على الصورة قائلة “اللي جاي أحلى ان شاء الله دعواتكم”، ونالت الصورة إعجاب الكثير من متابعيها، وكانت أبرز التعليقات من متابعيها الدعاء لها.
على صعيد متصل كانت قد عرضت الفنانة إيمي طلعت زكريا رأيها من قبل في لجنازة المشاهير، وذكرت إيمي في تصريح خاص لـ “الانطلاقة نيوز” قائلة: “أنا ضد التصوير بشكل سئ في جنازات المشاهير وكان في مبادرة من قبل لمنع التغطية الإعلامية بشكل سئ في جنازات المشاهير”.
وتابعت إيمي:”أنا هتكلم عن تجربة أنا في جنازة والدي شوفت حاجات مكنش ينفع إنها تحصل ومكنش فيه حرمة ميت وكان أهم حاجة عند الصحفي إن هو يعمل السبق، ودا ما يمنعش إن كان في ناس محترمه كتير بس كان في ناس طبعًا ضد الآدمية كان في بعض الصحفيين بيتعاملوا إنهم ياخدوا اللقطة عشان يطلعوا تريند فأنا ضد دا جدًا ومع وقف تصوير جنازات المشاهير ، أنا مع القرار دا جدًا”.
وعن جنازة الراحلة دلال عبد العزيز والفنان سمير غانم قالت إيمي:”اللي حصل في جنازة الفنانة دلال عبد العزيز دا كان شئ مش حلو خالص وفي جنازة الفنان سمير غانم نفس الكلام وكل جنازة بيكون في مشكله وفي خناقة”.
واختتمت إيمي:”أنا مع إننا بجد نوقف تصوير جنازات المشاهير لأن الميت ليه حرمه، وإحنا كلنا بشر وكلنا بنزعل وبنعيط ومش لازم كل الناس تبقى شايفه اللي بيحصل دا، وإن الناس بتتبهدل وتعيط على الميت فأنا ضد دا جدًا”.
