كتبت : حسناء جبل
أثار الفنان تامر حسني، انتباه الجماهير بصورة له عبر حسابه الشخصي على موقع تبادل الصور والفيديوهات إنستجرام .
حيث علق عليها قائلاً: “نهاركم جميل زيكم من كام يوم نزلت بوست تحفيزي ليكم على النجاح والحقيقة فرحت أوي من استقبالكم للبوست .
كما تابع : وسبحان الله حسيت ناس كتير كانت مستنيه تسمع كلام زي دا، ياجماعة احنا في العصر الصعب دا بنواجه كمية حقد وغل وكراهية وطاقة سلبية.
وأكمل حسني قائلا : مش طبيعي لازم نرد عليها بالعكس لازم يكون في طاقة أكبر، بترد على كل الإحباط دا، والحقيقة إن أنا عندي بعض الخبرات في الحياة من خلال رحلتي المتواضعة أحب أوصلها ليكم .
وهحاول بإذن كل كام يوم أتناقش معاكم في موضوع أو اقترح عليكم حاجه بعملها دايما.
حيث أضاف حسني : هبدأ بحاجة بعملها باستمرار وعلمتها للمقربين مني ومواظبين عليها من سنين، وهي أنكم حالا تستحضروا ناس في دماغكم بتحبوهم وتدعولهم بأسمائهم في ظهر الغيب بكل اللي يتمنوه .
وأشار إلى أنهم يجب كل فترة يكرروا الدعاء قائلا : وكل فترة نكررها ونثبتها زي مابنثبت حجات تانيه في حياتنا مش بالأهمية دي، والله هتلاقوا تساهيل كتير حصلت مش هتعرفوا بتحصل منين يلا بينا دعوات”.
علاوة على ذلك أن آخر أعمال تامر حسني “أغنية كرهتني “في الحب والتي طرحتها شركة روتانا أخيراً عبر قناتها على مواقع التواصل الاجتماعي.
