حوار: عمر ابو مندول
حاليا المجتمع المصرى يواجه مشكلة كبيرة بسبب زيادة أعداد المصابين لفيروس كورونا خاصة فى الصعيد المصري لذا فما هو رأي الجيش الأبيض المصري وما هى الصعوبات التى تواجهها.. مبادرة رفقاء الخير .
-في البداية نحب نتعرف على حضرتك؟
انا اسمى أحمد خالد بهادر من سكان محافظة سوهان خريج كلية هندسة.
– ما هو العمل الذى تعمل بيه وما هى أهم الخطوات التي تريد فعلها فى مجال عملك؟
انا مؤسس مبادرة رفقاء الخير بجميع مراكز سوهاج واهتم بالعمل أكثر مع مصابي فيروس كورونا.
-ما هى أهم الأعمال التى تقوم بيها المبادرة الخاصه بك؟
أول حاجه والأهم بنسلم أنابيب أكسجين للفقراء والمحتاجين والأهم لمصابين فيروس كورونا وكمان بنسلم شنط علاج وأجهزة قياس أكسجين وحاجات كتير بنهتم بيها.
-من أين جاءت إليك فكرة عمل المبادرة؟
انا عملت المباردة من عام 2014،واللي جعلها تستمر الشباب اللي كلمت معايا ووقفت جنبى اننا نكبر ونبقى حاجه كبيرة.
-ما هو السبب الرئيسى فى زيادة أعداد المصابين؟
مفيش وعي مفيش حد بيلبس كمامة مفيش التزام خالص من الأهالى ودا خطر جدا.
-شايف اي لو الفيروس استمر لفترة طويلة؟
بدون أي تفكير الإجابة هتكون دمار واهمها زيادة المصابين لأرقام كبيرة وزيادة أعداد الوفيات ايضا.
– تحب توجه رسالة للجيش الأبيض؟
احب اشكر كل دكتور و دكتورة وطقم التمريض بالكامل لأنهم فعلا أبطال واستحملوا خطر كبير.
– هل تفضل الحظر أم لا ولماذا؟
بكل تاكيد أفضل الحظر الكامل خوفا من تفشى الإصابات والدليل الٱن ان الإصابات كل يوم فى زيادة.
-تحب تقول اى للمجتمع المصرى؟
نصيحه لي ولك ألتزموا بالإجراءت الاحترازية ، سرير فى البيت أفضل من سرير فى المستشفى، ضيق فى الرزق أفضل من ضيق فى التنفس، العزل مع بعضكم أفضل من العزل لوحدك، وربنا يرحمنا برحمته ويبعد عنا هذا الوباء.