انتقلت الفنانة ياسمين عبد العزيز إلى جنيف بسويسرا، من أجل استكمال رحلة علاجها بأحد المستشفيات السويسرية، بعد العملية الجراحية التي أجرتها خلال الفترة الماضية.
وغادرت ياسمين عبد العزيز مطار القاهرة الدولي، وتحديدا صالة 4، حيث وصلت بسيارة إسعاف مجهزة من أحد المستشفيات الخاصة، وظهرت ياسمين عبد العزيز على “ترولي” وكانت حالتها غير مستقرة بعض الشيء.
على صعيد متصل كانت قد غادرت الفنانة ياسمين عبد العزيز المستشفى، بعد التحسن الملحوظ في حالتها وذلك بعد خضوعها لعملية جراحية تسببت في وعكة صحية لها، خلال الفترة الماضية.
وطمأن الفنان أحمد العوضي زوج الفنانة ياسمين عبد العزيز جمهورها على صحتها، وقال إنها تستكمل العلاج في المنزل تحت إشراف الأطباء.
من جانبه طلب الفنان أحمد العوضي، من الجمهور الدعاء لزوجته الفنانة ياسمين عبدالعزيز، بعد دخولها غرفة العمليات.
كتب :” يمكن ببان قدامكم دايما قوي .. لكن الحقيقة أنا دلوقتي أضعف إنسان علي وجه الأرض عشان أنا روحي مش معايا … أنا ضعيف جدا من غيرك إنتي لازم تبقي كويسة ولازم تقومي بالسلامة … أنا لأول مرة أكتب من غير ما أكون مفكر أنا بكتب إيه وهكتب إيه … بس انتي هتقومي إن شاء الله بإذن الله عشان إنتي وعداني وعد وهتتفذيه”.
وتابع قائلًا:” انا عاوزك ياسمين عبد العزيز تبقي كويسه وتقومي عشان اقولك اني لو كنت ببينلك اني بحبك مره فالحقيقي واللي جوايا اني بحبك الف مره … وانا دلوقتي مش قوي زي ما انتي بتشوفيني انا دلوقتي ضعيف ضعيف جدا .. لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك” .
واختتم أحمد العوضي، حديثه قائلاً: “قومي عشان انا بحبك… بحبك اكتر بكتيير من كل الكلام اللي انا كتبته .. اكتر بكتير من كل اللي عدينا بيه مع بعض من ايام حلوه ومواقف صعبه مرت علينا … اكتر بكتير حتي من الموقف اللي احنا فيه دلوقتي .. انا بحبك .. ادعولها تقوم بالسلامه زي ما انتو دايما بتدعولها بالنجاح والتوفيق .. هي دلوقتي محتاجه دعواتكم”.
