تحدث “سيف عيسى” لاعب منتخب مصر للتايكوندو بعد حصوله على الميدالية البرونزية لوزن -80 كجم بدورة الألعاب الأولمبية طوكيو 2020 التي تستضيفها العاصمة اليابانية طوكيو خلال الفترة من 23 يوليو حتى 8 أغسطس، عن مشاركة مصر في الأولمبياد رغم الظروف التي حدثت.
وقال سيف في لقاء خاص بإذاعة صوت العرب: “الظروف اللي حصلت أثرت بشكل كبير على اللعيبة الخبرات، وأغلب اللاعبات اللي كسبوها هنلاقيهم هم اللي كسبوا في 2018، لأن اللاعيبة الكبيرة ماقابلتهمش لظروف الكورونا وماكنش فيه معسكرات غير بداخل البلاد، في لاعيبة مفاجأة بالنسبة للاعيبة الكبيرة كتير”.
وأعرب سيف عن صعوبة الإعداد قائلاً: “طبعًا الإعداد كان صعب جدا ، وطبعا احنا متعودين منتخب اليد بتاعنا في البطولات اللي زي دي بيلعبوا حوالي تلت أربع شهور ماتشات برة ومعسكرات برا في أسبانيا أو في فرنسا…والمرة دي منتخب اليد ماقدرش يلعب غير خمس ماتشات بس ، وطبعا في الألعاب الفردية الإعداد أصعب”.
واختتم: “احنا متعودين نروح دول زي بلغاريا أو روسيا، بنروح نعمل معسكرات طويلة، فاللاعيبة اللي عندها تصريحات بس هى اللي قدرت تسافر، أما بقيت اللاعبين فكان الموضوع صعب بالنسبة ليهم، ودا أثر على تصنيفهم، وأنا لو شاركت في الألعاب الأولمبية فأنا بطل، لأن أنا شاركت يا إما بكل أفريقيا يا حققت الرقم اللي يأهلني إني أوصل أولمبياد وفي ألعاب ضعيفة في أفريقيا، وأفريقيا مش مميزة فيها زي مثلا الجمباز التجديف الريشة ، وبالتالي أنا بطل أفريقيا… ومقدرش نلوم حد على الميداليات غير المصنفين عالميًا”.