سخرت الفنانة راندا البحيري من زميلتها حلا شيحة بعد هجومها على تامر حسني بسبب الفيديو كليب المروج لفيلم “مش أنا” والذي جمعها به بمشاهد رومانسية.
حيث اعترضت البحيري على ذلك قائلة: ازاي تكوني داعية؟ اتجوزي وانتقدي الناس عادي، كما تابعت: هو ماحدش قال لحلا أن باب التوبة مش موجود على الإنستجرام؟، هو برضه اللي مضطرب؟ لا لا لا والله كانت صعبانة عليّ في الأول، بس كدا صعب اوي حد ياخد بقى منها الموبايل بسرعة.
كما تابعت تهكمها على حلا شيحة قائلة: فتاتي ازاي تكوني داعية بمنتهى السهولة وتنصحي زمايلك وتنتقديهم في يوم وليلة؟.
أيضا توجهت البحيري بانتقاد تصرف حلا بعد زواجها بانتقادها الفن والفنانين قائلة: عريس وطرحة اتنين متر وفرح، بس بقى من تاني يوم حضرتك تقدري كدا تبقي رئيسة مجلس إدارة العالم وتقولي مين هيدخل الجنة ومين لأ، دا بتقولك احنا بمقاييس ربنا لم ولن ننجح والعياذ بالله إن شاء الله أنتِ.
كذلك أشارت البحيري إلى أن ذلك يعرض حلا شيحة للمسائلة القانونية حيث قالت: هو ماحدش فهمها أن اللي بتعمله دا ممكن يعرضها للمسائلة القانونية وأنها بتضر بسمعة فيلم وبالتالي إيراداته؟ وبتتكلم عن ممثل ونجم بحجم تامر حسني بالشكل دا أكنها أحسن منه، واحنا كلنا عارفين الخير اللي بيعمله تامر طول عمره في الخفاء وفي العلن على إيدينا كلنا، فضله على ناس كتير اوي وبنا جعله سبب لفتح بيوت قد كدا، تقوم دي تنصحه؟! ، لا والله هم يضحك.
الجدير بالذكر أعربت الفنانة حلا شيحة عن غضبها الشديد من الفنان تامر حسني بعد تجاهله لها وطرحه فيديو كليب “بحبك” من فيلم “مش أنا” والذي يتضمن مشاهد رومانسية تجمعه بها.
وقالت حلا شيحة في منشور عبر حسابها بموقع تبادل الصور والفيدبوهات “إنستجرام” مهاجمة تامر حسني: “أنا اتفاجئت جدًا بنزول كليب يجمع فيه مشاهد متفرقة من الفيلم و خصوصا بعد آخر بوست نزلته و وضحت فيه أنا إيه ..و اتفاجئت أكتر خصوصا بعد وعد تامر حسني ليا وتأكيده إنه هیحترم رغبتي و بعض الطلبات اللي طلبتها منه بكل احترام وود الصيف اللي فات وأکد لي إنه هيحترم رغبتي”.
كما أضافت حلا شيحة: “احنا يمكن نجحنا بمقاييس الدنيا بس صدقوني بمقايیس ربنا احنا لم ولن ننجح أنا عارفة ومتأكدة إن زملائي جواهم خير بس للأسف فتنة الشهرة والنجاح مش بتخلينا نشوف ونقيس الأمور صح بتكلم من قلبي الكليب ده مايرضيش ربنا و أنا عيطت لأني شفت نفسي في المشاهد دي .. دي كانت زلة نتيجة ظروف مريت بيها و كلنا بنغلط و لازم نغلط علشان احنا بشر بس المصيبة إننا بنغفل وننسى”.
و تابعت شيحة : “أنا مش هتكسف من حد أنا توبت من المشاهد دي و هي لا تصح و أنا غلطت و بصلح و أهم حاجة أن ربنا يرضى عني لأن في الآخر ده اللي هينفعنا مش الشهرة و لا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها إلا القليلين منا الفن لو بيخلينا نبعد عن منهج ربنا و مانبقاش قدوة لولادنا يبقي باطل و مايبقاش فن”.
ومن جانبه؛ تجاهل تامر حسني كلام حلا شيخة، لتقوم الأخيرة بإلغاء متابعته على موقع تبادل الصور إنستجرام ؛ رغم مشاركتهما مؤخرًا في فيلم” مش أنا”.
جدير بالذكر أن الفنانة حلا شيحة قد غابت عن العرض الخاص لفيلم “مش أنا”، والذي احتفل به الفنان تامر حسني من خلال ظهوره في البرنامج ، معلقةً قائلة : ” ” بحمد ربنا إنى أخيرًا لقيت التوازن إني أكون سعيدة في حياتي ونفسي أكون صادقة مع نفسي واللي مؤمنة بيه، أما بالنسبة لفيلم “مش أنا” الحقيقة إن تم تصويره من أكثر من سنة ونص، وبسبب ظروف كورونا اتأخر جدًا نزوله وأنا كمان حالي اتغير واتجوزت الحمد الله، والفيلم بقى فعلا مش أنا وأتمنى التوفيق لكل زملائي.
يذكر أن تدور قصة فيلم “مش أنا”، حول حالة نفسية ما تصيب “حسن”، والذي يجسده الفنان تامر حسني، وتربطه علاقة قوية جدًا بوالدته المريضة وهي الفنانة سوسن بدر، حيث يحرص دائمًا على الجلوس معها أطول وقت ممكن ومراعاتها والعناية بها فهي محور حياته، الفيلم من إخراج سارة وفيق، وتأليف تامر حسني، وإنتاج تامر مرسي، ومن بطولة تامر حسني، وحلا شيحة، وماجد الكدواني، وحجاج عبد العظيم، وسوسن بدر.
