- ?️ كريم ماجد
أعربت الفنانة حلا شيحة عن غضبها الشديد من الفنان تامر حسني بعد تجاهله لها وطرحه فيديو كليب “بحبك” من فيلم “مش أنا” والذي يتضمن مشاهد رومانسية تجمعه بها.
وقالت حلا شيحة في منشور عبر حسابها بموقع تبادل الصور والفيدبوهات” انستجرام” مهاجمة تامر حسنى: “أنا اتفاجئت جدًا بنزول كليب يجمع فيه مشاهد متفرقة من الفيلم و خصوصًا بعد آخر بوست نزلته و وضحت فيه أنا إيه ..و اتفاجئت أكتر خصوصًا بعد وعد تامر حسني ليا وتأكيده إنه هیحترم رغبتي و بعض الطلبات اللي طلبتها منه بكل احترام وود الصيف اللي فات وأکد لي إنه هيحترم رغبتي”.
كما أضافت حلا شيحة: “إحنا يمكن نجحنا بمقاييس الدنيا بس صدقوني بمقايیس ربنا احنا لم ولن ننجح أنا عارفة ومتأكدة إن زملائي جواهم خير بس للأسف فتنة الشهرة والنجاح مش بتخلينا نشوف ونقيس الأمور صح بتكلم من قلبي الكليب ده ميرضيش ربنا و أنا عيطت لأني شفت نفسي في المشاهد دي .. دي كانت زلة نتيجة ظروف مريت بيها و كلنا بنغلط و لازم نغلط علشان إحنا بشر بس المصيبة اننا بنغفل وننسى”.
و تابعت شيحة : “انا مش حتكسف من حد انا تبت من المشاهد دي و هي و هي لا تصح و انا غلطت و بصلح و اهم حاجة ان ربنا يرضى عني لان في الاخر ده اللي حينفعنا مش الشهرة و لا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها الا القليلين منا الفن لو بيخلينا نبعد عن منهج ربنا و منبقاش قدوة لولادنا يبقي باطل و ميبقاش فن”.
من جانبه تجاهل تامر حسني كلام حلا شيخة، لتقوم الأخيرة بإلغاء متابعته على موقع تبادل الصور إنستجرام ؛ رغم مشاركتهما مؤخرًا في فيلم” مش أنا”.
جدير بالذكر أن الفنانة حلا شيحة قد غابت عن العرض الخاص لفيلم “مش أنا”، والذى احتفل به الفنان تامر حسنى من خلال ظهوره فى البرنامج ، معلقةً قائلة : ” ” بحمد ربنا إنى أخيرًا لقيت التوازن إنى أكون سعيدة فى حياتى ونفسي أكون صادقة مع نفسى واللي مؤمنة بيه، أما بالنسبة لفيلم “مش أنا” الحقيقة إن تم تصويره من أكثر من سنة ونص، وبسبب ظروف كورونا اتأخر جدًا نزوله وأنا كمان حالي اتغير واتجوزت الحمد الله، والفيلم بقى فعلًا مش أنا وأتمنى التوفيق لكل زملائي.
تدور قصة فيلم “مش أنا“، حول حالة نفسية ما تصيب “حسن”، والذي يجسده الفنان تامر حسني، وتربطه علاقة قوية جدًا بوالدته المريضة وهي الفنانة سوسن بدر، حيث يحرص دائمًا على الجلوس معها أطول وقت ممكن ومراعاتها والعناية بها فهى محور حياته، الفيلم من إخراج سارة وفيق، وتأليف تامر حسني، وإنتاج تامر مرسي، ومن بطولة تامر حسني، وحلا شيحة، وماجد الكدواني، وحجاج عبد العظيم، وسوسن بدر.
