أكد وائل عبد العزيز شقيق الفنانة ياسمين عبد العزيز، أنه لن يسمح لأحد بالتعرض لشقيقته بأي صورة، حيث كتب على حسابه الشخصي بموقع التواصل الاجتماعي “فيسبوك”: “أنا ومن بعد ربنا سبحانه عز وجل وراكي وفضهرك ومعاكي بكل ما أملك من صحة وقوة لحد آخر يوم في عمري وافديكي بحياتي لو حد مسك بشيء مش كلام وانتي حافظاني”
وتابع وائل عبد العزيز: “متقلقيش في ضهرك يا بنت الأصول يا متربية وبتأسفلك لو في يوم صدر مني شيء غلط كان بنزعة الاخوة مش اكتر، ولا يهمك إحنا مبنردش الاهانة بالإهانة زي ما اتعودنا”.
جديرا بالذكر شنت ليلى محمد حلاوة، الابنة الكبرى لـ رجل الأعمال محمد حلاوة، طليق النجمة ياسمين عبدالعزيز، وزوج الفنانة ريهام حجاج، هجوما على ياسمين عبدالعزيز، عبر خاصية “الاستوري “، عبر حسابها الشخصي بموقع تبادل الفيديوهات والصور “إنستجرام”.
وكتبت ليلى : “إوعى تدعي حاجة مش فيكي عمرك ما كنتي كويسة مع حد، إنتي اللى خطفتي بابا مننا”.
وتابعت ليلى هجومها على الفنانة ياسمين عبدالعزيز “من 17 سنة وماما على ذمته ومن 17 سنة حاولتى تقطعى علاقتنا ببابا وحاربتينا وأذتينا كتير”.
وأضافت قائلة: “الناس العادية مش عارفة حاجة بس الناس اللى حوالينا عارفين كل حاجة ياريت تبطلي أذى بدل ما نعرف الكل”.
وأضافت: “إنتى اللي قاطعانا عن إخواتنا من يوم ما اتولدوا وكفاية اللي عملتيه من شهر معايا في شرم الشيخ قدام الناس معايا”.
وختمت حديثها مهددة ياسمين عبدالعزيز قائلة: “عيب وكفاية وبطلي تظهري بصورة مش حقيقتك”.
وعلى صعيد متصل وجهت شقيقة محمد حلاوة، لمياء حلاوة رسالة إلى الفنانة ياسمين عبد العزيز بشأن ما نشرتة على صفحتها الشخصية على “فيسبوك”.
وظهرت لمياء في فيديو نشره محمد حلاوة عبر حسابه الشخصي بموقع تبادل الصور والفيديوهات “إنستجرام”.
وقالت: “أنا اسمي لمياء حلاوة أخت محمد حلاوة، الحقيقة أنا شفت برنامج ريهام صاحبتي وأختي ومرات أخويا وكنت فرحانه بيه وشفت أنها قالت كلام محترم وكلام من قلبها، الحاجة اللي ضايقتني وأزعجتني ودي حاجة عائلية أني فوجئت من كام ساعة كلام يتقال على حرابيق وكلام ميصحش يتقال”.
وتابعت: “يا جماعة إحنا بقالنا 3 سنين بنتحارب ونتهاجم ويتقال علينا كلام غلط وأحنا مبنردش علشان خاطر مصلحة ولادنا وعلشان ده اللي اتعلمناه في الدنيا أن احنا نخاف على ولادنا بس الظاهر أن في ناس تانية مش فارق معاها الكلام ده احنا خلاص خرجناكي من حياتنا وقفلنا صفحتك ومش بس كده مبنفتكركيش وعاوزينك أنتي كمان تركزي في صفحتك وتنسينا وحاولي أن أنتي تكوني سعيدة لأن أحنا بقينا سعداء وأحنا بعيد عنك، يارب الكلام ده يوصلك لأن غير كده أنا أظن أنك هتبوظي الصفحة الجديدة بتاعتك هي كمان، ده اللي عاوزة أقولهولك وأقوله لمصلحة ولادك”.
يذكر أن الفنانة بدرية طلبة دعمت الفنانة ياسمين عبد العزيز في أزمتها الجديدة مع ريهام حجاج.
وكتبت بدرية من خلال حسابها الشخصي بموقع التواصل الاجتماعي انستجرام : ” إن الشجرة المثمرة تقذف بالحجارة، ولكن شجرتنا خط أحمر تخاف أن تقترب منها الحجارة وتعود مرة أخرى إلى من قذفها.
وتابعت :” شجرتنا عالية جداً وتطرح ياسمين وورد وفل وأوراقها مزدهرة، توزع عليها القبلات والأحضان والدعاء من جمهورها الموجود في كل أنحاء العالم”.
