- إسراء هاني
كشف مطرب المهرجانات حمو بيكا، عن حرصه على حضور كورسات لتعلم الغناء، في إطار سعيه لدخول نقابة المهن الموسيقية.
وقال “بيكا” في مداخلة هاتفية مع الإعلامي في برنامج “الحكاية”، “أنا قدمت كل ورقي وكل حاجة للنقابة، ومستني لجنة في اليومين الجايين.”
وأضاف “بيكا”: “باخد كورسات كل يوم عند واحد اسمه أستاذ محمد، بيعلمني النفس ازاي، وإن أنا أعرف اغني واحفظ المقامات.
وتابع “بيكا”: “بقول لكل جمهوري أنا مش مطرب، لكن أنا راجل مؤدي وكل جمهوري بيبقى فرحان وأنا موجود، وحرام مطلعلهمش”.
حمو بيكا يبيع سيارته بعد مشاجرات الساحل
ذكر “بيكا” لبرنامج” الحكاية” مع الإعلامي عمرو أديب:” أنا كنت نايم في بيتنا ومعرفش أي حاجة، وصحيت لقيت الدنيا مقلوبة عشان عربيتي كانت عند بوابة مارينا وفي زحمة، وكل ما العربية تيجي تدخل مايرضوش يدخلوها من وقت الحادثة، كان في خناقة وعلي قدورة نازل يحوش في الخناقة ومسك في واحد، الناس أول ما بيشوفوني بيتلمو عليّا، وبعت عربيتي عشان مش عايز مشاكل”.
وتابع: أن المشاجرة الأولى التي كانت بسبب اصطدامه بإحدى السيارات قبل أسبوع في مارينا، لم يكن مخطئًا فيها، ولكن الشخص الآخر كان مسرعًا نحوه في أحد الدورانات مما تسبب في تلف لسيارته، مؤكدًا أنه حصل على 75 ألف جنيه تعويضًا.
وصرح بيكا من قبل” أنه لم يكن موجودًا في هذه المشاجرة، وإنما كان عدد من الشباب الذين يعملون معه، مؤكدًا أنهم كانوا يستقلون سيارته”.
وتابع مطرب المهرجانات :”ماكنتش راكب عربيتي كان الشباب اللي شغالين معايا ومنهم نور التوت وعلي قدورة راكبينها، وخبطوا في عربية تانية ونزل أصحاب العربية التانية واتخانقوا مع بعض، وحدّ صورهم وقال إني كنت موجود معاهم عشان عربيتي كانت موجودة”.
على صعيد متصل تداول رواد مواقع التواصل الاجتماعي مقطع فيديو لمطربي المهرجانات حمو بيكا،ونور التوت وأصدقائهم أثناء دخولهم في شجار جديد مع مجموعة من الشباب وذلك بمنطقة الساحل الشمالي عند بوابة مارينا 5.
وظهر خلال الفيديو معركة ضرب شديدة بالأحزمة بين حمو بيكا ورفاقه وبين الشباب.
