- ?️ إسراء هاني
حرصت الفنانة غادة عبد الرازق، على الدعاء للنجمة ياسمين عبد العزيز بالشفاء، وذلك بعد دخولها العناية المركزة نتيجة خطأ طبي.
ونشرت غادة عبد الرازق صورة لياسمين على حسابها الشخصي بموقع تبادل الصور والفيديوهات “”، وكتبت: “اللهم اشفيها ياكريم ياعظيم يارب العالمين بحق الأيام المفترجة يارب”.
وكانت الفنانة ياسمين عبد العزيز دخلت في غيبوبة وتم نقلها لغرفة العناية المركزة عقب تعرضها للعدوى البكتيرية بسبب خطأ طبي.
وكشف مصدر مقرب من النجمة ياسمين عبد العزيز عن آخر تطورات حالتها الصحية بعد الأزمة الصحية التى تعرضت لها فى الساعات الماضية، وقال المصدر إن ياسمين عبد العزيز فاقت من الغيبوبة التى دخلت فيها على مدار الساعات الماضية أثناء إجرائها عملية جراحية، إلا أنها مازالت فى الرعاية المركزة وحالتها أصبحت مستقرة، ولفت المصدر إلى أن المشكلة الأساسية التى تعرضت لها ياسمين كانت بسبب تلوث ميكروبى.
جديرا بالذكر خضعت الفنانة ياسمين عبد العزيز لعملية جراحية ثانية، وذلك بعد خمسة أيام من إجرائها عملية جراحية أولى.
أحمد العوضي يطلب الدعاء لـ ياسمين عبد العزيز
طلب الفنان أحمد العوضي، من الجمهور الدعاء لزوجته ، بعد دخولها غرفة العمليات.
وكتب أحمد العوضي:” يمكن ببان قدامكم دايما قوي .. لكن الحقيقة أنا دلوقتي أضعف إنسان علي وجه الأرض عشان أنا روحي مش معايا … أنا ضعيف جدا من غيرك إنتي لازم تبقي كويسة ولازم تقومي بالسلامة … أنا لأول مرة أكتب من غير ما أكون مفكر أنا بكتب إيه وهكتب إيه … بس انتي هتقومي إن شاء الله بإذن الله عشان إنتي وعداني وعد وهتتفذيه”.
وتابع قائلًا:” أنا عاوزك تبقي كويسه وتقومي عشان اقولك إني لو كنت ببينلك إني بحبك مره فالحقيقي واللي جوايا إني بحبك ألف مره … وانا دلوقتي مش قوي زي ما انتي بتشوفيني انا دلوقتي ضعيف ضعيف جدا .. لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك”.
واختتم أحمد العوضي، حديثه قائلاً:” قومي عشان انا بحبك… بحبك اكتر بكتيير من كل الكلام اللي انا كتبته .. اكتر بكتير من كل اللي عدينا بيه مع بعض من ايام حلوه ومواقف صعبه مرت علينا … اكتر بكتير حتي من الموقف اللي احنا فيه دلوقتي .. انا بحبك .. ادعولها تقوم بالسلامه زي ما انتو دايما بتدعولها بالنجاح والتوفيق .. هي دلوقتي محتاجه دعواتكم”.
