كتب: أحمد الزاهد
أطلت اليوم طبيبة القلوب الفنانة نادية الجندي اليوم مع الإعلامية وفاء الكيلاني من الجزء الثاني ببرنامج السيرة على قناة dmc، وذلك في تمام الساعة9:30مساء بتوقيت مصر، وعرضت الحلقة كاملة على قناة أبو ظبي الساعة11مساء بتوقيت الإمارات”.
وبدأ اللقاء بقول وفاء الكيلاني للفنانة نادية الجندي ايديكي جميلة اطلبها ازاي.. فتبسمت الفنانة نادية الجندي وحكت قصة هذة الجملة، حيث قالت” انا كنت عامله بامبة كشر وكان هو بيشتغل في السلك السياسي وكان برا مصر فكنا بنلعب اسكواش في نادي الجزيرة وانا لعبت معاه اسكواش وبعد ما خلصنا قال للمدرب مين دي قاله دي بنت جديدة طالعة عامله فيلم جديد اسمه بامبة كشر انت مشوفتوش قاله لا معرفش حاجه فتعرف عليا وقالي انتِ فنانة ممكن اعزمك علي العشا قولتله لا اسفة مش بطلع مع حد وكنت مسافرة تاني يوم اسكندرية وكنت مقررة اني متجوزش ولا اضيع من عمري وقت بعد نجاح فيلم بامبة كشر”.
وتابعت :” ولكن صمم وكان خاطب فك الخطوية وجه يتجوزني فرفضت تماما وماما الله يرحمها هي اللي صممت وقالت لا فاختارته بعقلي وقلبي وكنت وقتها ابدتيت انتج ليالي ياسمين وهو وقف في اللوكيشن وبدأ يفهم ويعرف الإنتاج ازاي”.
واختتمت قائلة: استقال محمد مختار من الخارجية ليعمل في الإنتاج وكان عنده ذكاء رهيب وأول عمل ليه كان الباطنية وكان عنده ذكاء ومعظم الأفلام اللي نجحت وكسرت الدنيا كانت انتاح محمد مختار، وكان بيغير عليا جداً”.
