أعلن المؤلف عمرو محمود ياسين، عن انتهاء تصوير آخر حكايات الموسم الرابع من مسلسل نصيبي وقسمتك، وذلك عبر حسابه الشخصي بموقع التواصل الاجتماعي “فيسبوك”.
انتهاء الموسم الرابع من مسلسل نصيبي وقسمتك
وقال عمر ياسين في منشور له: “بأمانه شديده إحنا كان معانا وحوش مش كرو بجميع الأقسام، من إنتاج إخراج تصوير وإضاءه مونتاج صوت ومكساج ديكور ملابس مكياج بوفيه سواقين وطبعا كمان الممثلين بكل حكاية بصراحه كانوا بييجوا بنعذبهم والضحايا كتير”.
وتابع: “بس الناس لازم تعرف إن كل الحكايات اتكتبت على الهوا، اتصورت على الهوا اتمنتجت على الهوا، في سباق رهيب مع الزمن لم أراه من قبل، شيء محدش يقدر يتخيله، بجد اللي حصل في المسلسل ده محدش يتخيله لاننا اضطرينا نشتغل في توقيت معين واخدنا الريسك.. فنأسف لو في أي تقصير من أي حد فينا”.
وأردف: “أنا عايز أشكر كل الناس فرد فرد لأن كلهم كانوا أبطال و بيشتغلوا بـ 30 ساعة واكتر، بس أحب اشير للدايره القريبه مني في الشغلانه اللي هما كانوا اكبر عون لي وكنت بتعامل معاهم طول الوقت وهم المنتج المحترم وصديقي أحمد عبد العاطي شريك الرحله لللي بنشيل الهم سوا، المخرج المنفذ أحمد عمر اللي بينيمني ويصحيني على مزاجه و يرسم لي الطريق أعمل ايه ومعملش إيه المشرف العام على الإنتاج ماجد جاب الله المنتج الفني أيمن شوقي ومدير إدارة الإنتاج وليد الحسيني اللي دايما بيطمني انه كله تمام حتي لو مش كله تمام بس بيعالجني نفسيا”.
وواصل:”و مدير الإنتاج أيمن عباس وجميع افراد طاقم الإنتاج مهندس الديكور رمسيس سليم ومهندس محمد المغازي اللي فجاه بطلب منهم تغيير أوضة نوم لقسم شرطه عادي وباقي أفراد قسم الديكور الرائعين مسنقين مناظر هاني سلطان وسامي حميده ستايلست حسن مصطفى اللي بياخد البريف لاست مينت وبيسد عادي و جميع مساعديه مصمم صوت ومكساج العالمي علي السعيد، مهنس الصوت محمد زكريا ومساعديه، واسيست محمود، المونتيره المتمكنه جدا منه جاب الله،وآيه عبدالعزيز ومصطفى عماد ويوسف عادل اللي صمم هذه الافيشات الرائعه، بروموهات وليد أبو العنين، وبوبا دياب ميكاب ارتيست وجميع مساعديها وكوافير اسماعيل الاسكندراني اكسسوار هاني جمال بوست برودكشن خليفه السيد”.
واستطرد: “وطاقم الإخراج الرائع (الوحوش) بجد وحوش مساعد أول مصطفي الجمال، وضياء سيف ومي وائل و مأمون شديد وإسلام ناصر بجد ليهم ألف تحية عمود العمل دول وجميع من عمل بالاخراج مدير التصوير المتميز هيثم ناصر والمخضرم عماد عثمان وحسن زيدان و محمد شديد وجميع طاقم التصوير وكاستنج دايركتور محمد حجاج طبعا الأسماء دي مش بذكرها مش عشان هي الأهم بقدر ما إن دول الناس اللي كنت بتعامل معاهم طول الوقت بشكل مباشر”.
وأنهى عمرو ياسين: “وأخيرا وليس آخرا المخرجين الرائعين (عصام نصار،محمد الخبيري، رامي رزق الله) اللي قدروا يقدموا حكايات جميله في ظروف صعبه جدا وسكريبت مش خلصان لكن كانوا في ضهري وقدموا شغل رائع، كل التحيه لهم والتقدير والف شكر للجمهور الرائع على الدعم والمساندة”.
يذكر أن قناة ON عرضت حتى الآن 8 حكايات من المسلسل هم “”بطولة أمير المصرى وكارولين عزمي ومصطفى أبو سريع وإخراج عصام نصار، و”غرام بانتظام” بطولة شريف سلامة ونانسى صلاح ورحمة حسن وإخراج رامي رزق الله، و”أوضة وصالة” بطولة أحمد عبد العزيز، ورشوان توفيق، وإنعام سالوسة، وإخراج عصام نصار.
كما عرضت أيضًا حكايات “حلوة اللقطة” ضمن أحداث مسلسل نصيبي وقسمتك 4 بطولة هاني عادل وميرنا نور الدين وحمزة العيلى وإخراج عصام نصار،”تاج راسنا بابا” بطولة صلاح عبد الله وإسلام جمال ومنة فضالى وأحمد رفعت وبسمة داود، و”إنسى روحي وياك” بطولة ميرهان حسين، محمد عز، لورا، أيمن عزب، مروى الأزلي، وإخراج عصام نصار، و”اعمل نفسك ميت” بطولة مي سليم وحازم سمير وميدو عادل وليلى حسين ومحمد مهران وإخراج محمد الخبيري.
وأخيرا حكاية واللي ما يشتري يتفرج ضمن أحداث مسلسل نصيبي وقسمتك 4 بطولة الفنانة بسمة، إيهاب فهمي، محمد على رزق، هبة عبد الغني، ندا عادل، ياسمين البشبيشى، لبنى عزت وعدد من ألمع النجوم، من تأليف عمرو محمود ياسين، وإخراج محمد نصار، وإنتاج أحمد عبد العاطي.
