كتب : شاهندة محمد
تحذير هام وخطير لتجنب حالات الخطف للبنات وخصوصًا الطالبات، وهناك عدة طرق شيطانية جديدة تتبعها العصابات لخطف البنات من الشوارع فاحذروها.
و طرق الخطف كالتالي:-
1-لو لاقيتي واحدة بتقولك يا بنتي كلميني عيب كدة أنا زي أُمك أنا زي خالتك مترديش عليها ولا تعبريها.
2-محدش ياخد أي ورقة فيها ريحة بيرفيوم من أي حد بيوزع ورق لمحلات العطور، حتى لو قالك المحل جديد و ياريت تجربي معانا أي نوع بيرفيوم.
3-(كريم مخدر)لو ركبتي في الميكروباص و لاقيتي واحدة جنبك بتقولك الحقى يا بنتي فية حاجة على هدومك (كريم)، صوتي و لمي عليها الناس لأن بيكون معاها واحدة وراها بتحطلك حاجة مخدرة على الهدوم و إنتي بحُسن نية بتمسحيها بإيدك و بتشميها فبيُغمى عليكي وتقول للسواق دى تبعي و أغمى عليها وبعدين تاخدك و كان الله بالسر عليم.
4-لو لاقيتي طفل صغير بيعيط في الشارع و بيقول أنا تايه ملكيش دعوة بيه، بيبقى فيه جماعة تبع الطفل واقفين بعيد منتظرين مين إللى عليها الدور في الخطف.
5-لو لاقيتي ست كبيرة سواء في سن مامتك أو جدتك واقعة في الشارع و بتصوت و عايزة مساعدة خليكي في حالك .
6-لو واحدة وقفتك في الشارع و قالتلك يا بنتي يا عسل يا عروسة أروح إزاي للعنوان دا منين ،بردو مترديش ولو قالتلك ممكن تقريلي الورقة دي بردو مترديش .
7-ما تقفيش جنب أي ميكروباص صغير جدًا، أو توكتوك أو تاكسي أو مشروع .
8-يوم ما تلاقي أي قلق أو ناس ملمومة أو هيصة من فضلك يا بنت الناس متبصيش و لا تقفي تتفرجي أمشي على طول بعيد في حالك، خلي بالك وأمشي في طريقك.
9-يتم استخدام كاميرات مخدرة بمعنى تطلب فتاة أو أكثر من البنت التي تنتظر لوحدها أن تصورهم بالكاميرا، والمفاجأة تكون في أن الكاميرا مخدرة، وبعد أن يغمى عليك يخدوكي بحجة أنك صاحبتهم وأغمى عليكي.
10-تلاقي سيدة عجوز كبيرة في السن بالشارع لا تقوى على السير وحدها وتقف فى إحدى الشوارع الجانبية تطلب من أي فتاة موجودة بالشارع أن تساعدها وتوقف لها تاكسي فهي لا تستطيع فعل ذلك بمفردها وعلى فكرة فيه تاكسي واقف بعيد تبع الست العجوز أول مايشوفك واقفة يتحرك ويجي عليكي عشان تشاور له و توقفيه للست وينزل السائق بحجة مساعدتك في ادخال السيدة العجوز إلى التاكسي ويرش السواق عليكي نوع من أنواع المخدر ويدخلك التاكسي مع العجوز وتروحي في خبر كان، هيحصل ايه بعد كده… هتيجي عربية قال يعني يعرفهم وتبعهم ويالا بينا على المستشفى ،طبعا المستشفى دي هي المكان المعد للاختطاف والتجهيز.
-الغرض من الخطف و المستفاد من خطف البنات أو السيدات :
1-استغلال جسد الفتيات والسيدات للإغتصاب.
2-استغلالهم لتسجيل أفلام مخلة تحت تأثير المخدر بعد تفعيله من تاني ومكثف من تاني عشان كل ما تبتدي تفوق يخدروها من تاني ويفضل الحال على كده قول أسبوع اتنين حسب درجة جمال البنت أو السيدة … وبعد كده .
3-آخر مرحلة وهي سرقة الأعضاء لصالح الأثرياء وبمبالغ طائلة … يخدوا الكلى وفص الكبد وقرنية العين الحاجات اللي ليها ثمن كبير … وبعد كده الضحية بتكون ماتت خلاص ويتم دفنها في مقابر مخصصة لذلك .
