كتب : ياسمين درويش
أشعلت الفنانة ياسمين صبري مواقع التواصل الاجتماعي وتصدرت الهاشتاج الأكثر تداولا عبر تويتر لحديثها عن سعر الاستايل الخاص بها واصفةً إياه بقولها “أي بنت تعرف تجيبه”.
حيث كان هذا الحديث خلال لقائها مع إسعاد يونس “صاحبة السعادة”، وتطرقت خلاله إلى الحديث عن ذوق الفتيات في الشارع المصري.
كذلك علقت على ذوق الفتيات قائلة: “اكتشفت ان الاستايل عند البنات المصريات ضاع، فحسيت أن لو عليا الضوء كفنانة، وإن الناس بتشوفني وبتقول أكيد الفستان ده بعشرين ألف جنيه، اكتشفت اني أقدر ألبس حاجة بـ2000 يقدروا يشتروها”.
كما تابعت حديثها مع الإعلامية إسعاد يونس قائلة: انتي عارفة الفستان ده “مشيرة إلى التي ترتديه” بـ2500 أي بنت هتقدر تجيبه.
تباينت الردود عبر تويتر، ما بين مؤيد ومعارض للرقم الذي قالته صبري عن سعر الفستان وعن قدرة جميع الفتيات على شرائه.
وغرد أحد المتابعين المعارضين لها، “مكسوفة أقول إن الـ 2500 اللي بتتكلم عليها أستاذة ياسمين صبري مرتب الشهر بتاعي وبيتخصم منه كمان” ، وعلقت أخرى ” ياسمين صبري بتقول الفستان 2500 جنيه اي بنت هاتقدر تجيبه واضح أنها ما تعرفش نوعيات الشعب كويس وأن دا مرتب شهر ياكلوا ويشربوا ويلبسوا بيه” .
وعلى الجانب الآخر، أيدت إحدى المعلقات،” أقولكم حاجة بجد ياسمين صبري دي هانم حقيقي محطوطة في مكانها الصح” ، وغردت الآخرى” دا صحيح..معرفش ليه الناس متحاملة ع ياسمين صبري فأي حاجة بتقولها مع أنها كانت بتحاول توصلهم معلومة مفيدة”.
