البلوجر رهف الشامي ترد على جدل خطوبتها: “مش صاحبتي.. وهى اللي سرقته مني من 10 سنين” (تفاصيل)

تصدرت البلوجر رهف الشامي، مؤشرات البحث على جوجل تريند ومنصات التواصل الإجتماعي، وذلك بعد تداول منشورًا لسيدة تدعى “سلمى” تهاجم البلوجر رهف الشامي، بعدما تمت خطبتها أمس على طليقها التي كانت تربطهما صداقة منذ مدة طويلة.

أول رد من رهف الشامي
أول رد من رهف الشامي

رهف الشامي ترد على جدل خطوبتها 

ومن جانبها ردت البلوجر رهف الشامي، على الانتقادات التي طالتها، وذلك عبر خاصية “الاستوري” بموقع تبادل الصور والفيديوهات “إنستجرام” قائلة: “الحقيقه إن أنا وسامح كنا قرينا فاتحتنا واتخطبنا من 10 سنين لما أبويا الله يرحمه كان عايش، شافني وحبني واتقدملي من 10 سنين، بس الشيطان لما بيتجسد في صوره إنسانه وبيتفنن في التوقيع بين البشر عشان عينها منه وكانت جارته وأخت صاحبه (مش صاحبتي أنا نهائي لأني مش بصاحب أشكال مريضه ولو في أي إثبات أنها صاحبتي أنا تواجهني بي) “.

وأضافت: “كان نفسها يبصلها بس، فضلت ورانا بكل الطرق عشان توقع بينا واحنا كنا صغيرين ومش فاهمين حاجه أنا كنت 18 سنة وفعلا حصل وسبنا بعض وبابا رجعله الشبكه كمان، بعدها سبحان الله الأستاذه اتخطبتلو طب مش هو ال ده كان وحش؟.. المهم أنا بعدت عنه نهائي لمده سنة و نص أو سنتين، واتكلمنا أنا وهو لما اتعزمت عالفرح فقط”.

وتابعت البلوجر رهف الشامي: “كان وقتها أول مره في حياتي أشوف الاستاذه و هي جريت عليا أنا مش مصدقه ان رهف الشامي موجوده في فرحي أنا بحبك أوى ومتابعاكى دايما، وكل أصحابي وقرایبي بيحبوكي”.

وعن سبب حضورها الفرح قالت رهف الشامي: ” أنا روحت الفرح عشان أكسر جوايا أي مشاعر ناحيته تماما ، والصوره اللي هيلاحظ هيلاقيني معيطه فيها بحضر فرح حبيبي بكل قوه عشان أقدر أقسى قلبي وأبعد وفعلا من يومها و لمده 5 سنين أنا معرفش عنه أي حاجه، وكانت الاستاذه كل فتره كل سنه مثلا تكلمنى مصلحه، مره تقولى اعملیلي إعلان لصفحتي ، مره تقولى أعملی إعلان لصفحة أخويا، مره تقولی اعمليلي شير عندك، و أنا كل علاقتي بيها النص ساعه بتاعت الفرح وكل كلامي معاها كلمتين بالعدد قد الإجابة وبس وهو بعيد تماما”.

رهف الشامي 

وأكدت رهف أن بالرغم من طول السنين كان عندها هاجس إنه لسه بيحبني، لسه بيفكر فيا، بيغلط في اسمها وبيقول اسمى، الشقه كانت مفروض شقتي أنا الي هتجوز فيها، مكان وقاعه الفرح أنا اللي كنت مختاراه لنفسي، ده حتى الدبله الي كان لابسها في الفرح كان مكتوب عليها اسمى أنا !.. واسم الولد “عمر” ده الاسم الي أنا وهو كنا مختارينه لأول بيبي بينا، لأن أول حب في حياته وسبنا بعض مغصوبين”.

خطوبة البلوجر رهف الشامي
خطوبة البلوجر رهف الشامي

وأشارت البلوجر رهف الشامي، أنها عاشت حياتها وارتبطت وسافرت واتخطبت وسبت قائلة: “کملت دنیتی عادی جدا و ربنا موفقنيش ف اختياراتي اللي فاتت مكنتش نصيبي ، لحد شهر 10 اللي فات ، هو كلمني ورجعنا لبعض بعد ما خلص موضوعه تماما و بفتره کمان ورسمی بورق و قانون (لانها شخصيه صعب العيش معاها، صعب حد يستحملها وهو كان كرهها و مش قادر يكمل في عك وقرر يسبها لأن سنين معاها في نكد وفي عذاب ومشاكل وقله أدب “.

خطوبة البلوجر رهف الشامي

واستطردفت: “وبعد ما اتعتبنا على السنين اللي فاتت و اكتشفنا إن هي اللي وقعت بينا، وهي اللي بوظت خطوبتي و هي اللي خططت من 10 سنين عشان تهد فرحتي ، اتأكدنا قد اي هي شخصیة شيطانة ومريضه و کدا به و عندها قدره رهيبه على العياط والتمثيل – ده غير كمان سمعتها في شغلها المدرسه اللي بتشتغل فيها وجروب اولياء الطلبة اللي كل يوم يشتكوا منها أنها بتزعق للاولاد و كل يوم حد يروح المدرسه يتخانق معاها لانها بتعامل الأطفال بعنف وزعيق وبطريقه غير آدميه واتقدم فيها 5 شكاوى انها مينفعش تبقى مدرسه اصلا، واترفدت من مدرسة قبل دى لأن اتعمل فيها محضر لما ضربت طفل عندها في الفصل !”.

من هي رهف الشامي
من هي رهف الشامي

 

وأنهت البلوجر رهف الشامي: “طب عارفين مره اتخانقوا وقامت تزعق وتكسر في البيت وهي متجننه وبتكسر ضربت ابنها بفازه في دماغه و اتفتحت وطلعوا على المستشفى لانه أضرب في دماغه !، جنان رسمی یعنی طب بذمتكم دى واحده بتعمل كده مع أطفال وفي شغلها وفي أكل عيشها، و عملت حوارات نس……ن من 10 سنين و وقعت بين اتنين مخطوبين، هل صعب عليها تعمل ده تاني ؟”.

وفي سياق متصل قالت سيدة تدعى “سلمى”: إن البلوجر رهف الشامي، أتت إلى حفل زفافها منذ 5 سنوات وإنها صديقة زوجها منذ فترة كبيرة، مؤكدة إلى أنها اعتقدت أنهم أصدقاء فقط حتى اكتشفت خيانتهما، وأن الذي يربطهما علاقة عاطفية وليست صداقة.

وأكد أن البلوجر رهف الشامي، طلبت من طليقها قبل الارتباط أن يطلق زوجته “سلمى” لكي توافق على خطبته، وبالفعل طلقها منذ 4 أشهر، وتقدم لخطبتها عقب طلاقه وذلك بحسب قول طليقته.

وأضافت سلمى أنها كانت ترى بعض الصور للبلوجر رهف الشامي رفقه أحد الأشخاص لافته إلى أنها لم تتخيل أن ذلك الشخص هو زوجها قائلة: “كنت أسأل رهف مين دا وتكذب عليا”.

البلوجر رهف الشامي
البلوجر رهف الشامي

ولفتت سلمى، إلى أن البلوجر رهف الشامي، كانت تقترب منها ليس من أجل صداقتهما، ولكن لتقترب من زوجها، مؤكدة إلى أنها حذفتها من جميع حسابتها الشخصية على السوشيال ميديا لكي تنشر صور خطبتها على طليقها.

التعليقات مغلقة.