طرح المطرب أحمد حليم، أغنية وتلمح، وذلك عبر موقع الفيديوهات الشهير “وتيوب” على طريقة الفيديو كليب.
كلمات اغنية وتلمح
وتلمح فى الطريق فرصه تقول هى
وتلمح فى الوشوش ضحكه تقول ليا !
وبين هى وبين ليا تبات راضى وصافى النيه وبالك من الهموم فاضى و ملغيه
وتحدفك الحياة طوبه تفاديها
تتكعبل فى ميت حفرة تعديها
محال تيأس من الدنيا
ماتستسلمش لو ثانيه
هتيجى الفرصه ويكون لك مكان فيها
وياما دموع مداريها كتير حكايات مخبيها
وياما هموم فى وسط اليوم قصاد الباب بترميها
ويوم مغلوب ويوم غالب.. ولا بتشيل ولا تعاتب … ولا بتلوم ولا حابب دا اللى فى الناس مكفيها
بيجوا كتير عليك وتعدى وتسامح بتفتح فى النهارده وتقفل امبارح
بتيجى كتير على نفسك ومش لاحق تاخد نفسك
ومن قلبك تقول الناس لبعضيها
على قد اللقا على قد ما تفارق ولا عمر اللى باعك كان معاك فارق
بتتعب ياما وتعانى تقع لكن تقوم تانى
جبل احزان وسبحانه عالم بيها.
يذكر أن أغنية وتلمح ،من كلمات محمود فاروق ، ألحان مدين ، توزيع وميكس وماستر يحيي يوسف ، مدير إنتاج تيتو الشيخ ، منتج فنى حسين أمين ، مدير تصوير مصطفى أحمد وإخراج إسلام حمدان،من إنتاج شركة غاليديا للإنتاج الفني
آخر أعمال أحمد حليم
يذكر أن آخر أعمال المطرب أحمد حليم ، “الناظر” وهى من كلمات مصطفى حسن ، ألحان سامح كريم ، توزيع أحمد عبد السلام وإخراج غاليديا.
