لورديانا تعلن عن كورس لتعليم الرقص الشرقي يسمح بالتحاق المحجبات.. “بـ 10 آلاف جنية”

شارك

أثارت الراقصة البرازيلية، لورديانا جدلا واسعًا يين رواد مواقع التواصل الاجتماعي، وذلك بعد إعلانها افتتاح مدرسة لتعليم الرقص الشرقي، وإصدار شهادة معتمدة، ومسموح للمحجبات الالتحاق بها.


كورس لورديانا لتعليم الرقص الشرقي

وتصدر اسم الراقصة لـورديانا، مؤشرات البحث عبر موقع جوجل تريند ومنصات التواصل الإجتماعي خلال الساعات القليلة الماضية، وذلك بعدما أعلنت شرطة الآداب وضع شروط للحفلات التي تشارك فيها الراقصات بشكل عام وبسبب كورسها.

كورس لورديانا الرقص الشرقي
كورس لـورديانا الرقص الشرقي

الأمر الذي دفع رواد مواقع التواصل الاجتماعي، لمهاجمتها حيث قال أحد الرواد عبر موقع التواصل الإجتماعي “فيسبوك“: الراقصة لورديانا قررت تدخل مجال الـ education، عملت كورس مدتة 24 ساعة، مرة واحدة في الإسبوع مدته 3 ساعت في جروب مش درس خصوصي”.

تفاصيل كورس لورديانا الرقص

وتابع متعجبًا:” الكورس بكام ياولاد؟ 10000 جنية الراس الواحدة، ودة كورس مجموعة زي ما قولتلك، وهنا عندي تعليقين، الأول ان عيب أوى أجنبية هى اللي تدي كورس في بلدنا اللي بتشهد انتعاش في المجال دة و مفيش كوادر مصرية تنافس في المجال.. أما التعليق التاني موجة لاصدقائي أباطرة الكورسات والتسويق والبيع والبرمجة المالية في مصر، ياريت تسيب اللي في إيدك وتتحزم وتيجي بسرعة عشان عندنا مصلحة حلوة”.


مدرسة لورديانا لتعليم الرقص الشرقي

فيما قالت ناشطه: “حدث بالفعل أنا بموت في لورديانا الرقاصه جداً، لذيذه بشكل، وبترقص كده بعينها وعافيتها! من شويه عرفت إنها عاملة كورس لتعليم الرقص، حلو بعت أسأل زي أي مواطن عادي يعني السؤال ما حرومش”.

وتابعت: “قالولي الكورس بـ 10 آلاف جنية، مدته 24 ساعة مر ةواحدة في الأسبوع حصة مدتها 3 ساعات، وشهاده معتمده في نهاية الكوس!”.

الجمهور ينتقد لورديانا
الجمهور ينتقد لورديانا

واستكملت: “أنا قلبي كان هيقف من كتر الضحك اللي ضحكته والله! مش علشان الفلوس، لا طبعاً كل واحد يقدّر شغله وتعبه زي ما هو عايز، كمان اللي هيدفع ويروح هو حر إذا شايف إن ده ممتع بالنسبالي.. أنا اللي موتني من الضحك الشهادة المعتمدة!”.

وأنهت: “قعدت أفكر يا ترى هارفقها بالسي في بتاعي لما أجي أقدم على شغل ولا هعمل إيه؟ ويا ترى هتفرق مع رؤساء التحرير والناس اللي ممكن اشتغل معاهم وهيحسوا قد إيه المجهود اللي أنا عملته علشان أطور من نفسي ومن كتاباتي ولا مش هتفرق؟ ولا الشهاده دي للي على وش جواز بس علشان تبقى ترفقها مع عقد الجواز عشان العريس يعرف إنها متمكنه ومش ممكنه!”.


سعر كورس رقص لورديانا

وبحسب رواد مواقع التواصل الاجتماعي فإن مدة الكورس 24 ساعة مرة واحدة في الأسبوع حصه مدتها 3 ساعات، وشهاده معتمده في نهاية الكوس، ويبلغ سعرة 10000جنية.

لورديانا كورس الرقص الشرقي
لورديانا كورس الرقص الشرقي

يذكر أن الراقصة لورديانا برازيلية الجنسية وتقيم في مصر منذ سنوات، وظهرت في فيديو الرقص على أنغام مهرجان “إخواتي” الذي تم تصويره داخل مركز تجميل بمصر الجديدة.

شارك