سعد الصغير مهاجمًا بوسي: لا عمرها راعت والدها.. وتعب لما معزمتوش في الفرح (خاص)

شارك

هاجم الفنان سعد الصغير زميلته المطربة بوسي بسبب تجاهلها السؤال على والدها الذي وافته المنية أمس مؤكدًا إلى أنها لم تراعي والدلها قط، ومرض بسبب عدم دعوته له في حفل زفافها.

بوسي
بوسي

سعد الصغير يهاجم بوسي 

وقال سعد الصغير في تصريح خاص لـ “الانطلاقة”: “بوسي لا عمرها راعت والدها وتعب لما هي معزمتوش في الفرح، حس إن هو قليل، وناس كتير هي معزمتهمش اللي هي خلاص بقت نجمة 5 ستار”.

وتابع: “في الاخر ربنا كريم، الراجل ده  كان غلبان، يعني أنت ممكن تاكل سمك ولحمة الراجل ده مش بيلاقي، الحنية مش بتتشحت، وهيقعدلها، وهو قبل ما يموت قالها حسبي الله ونعم الوكيل فيكي”.

سعد الصغير
سعد الصغير

كما لفت إلى أن بوسي لم تدعو إلى فرحها الكثير من الأشخاص الذي تعاونت معهم في مشوارها الفني، وكان لهم دور في تقديمها للجمهور، موضحا “وفي فرحك معزمتيش أي حد، مش عارف مالك، مش انتي بوسي اختنا، احنا بالنسبالها بيئة مينفعش نيجي فرحها”.

وفي ذات السياق قال خلال مقطع صوتي عبر برنامج” عرب وود”: “في فرحك ماعزمتيش أي حد غير عم أحمد السبكي ومحمود الليثي وحمدي بدر، مش هقول أنا، مش أنت بوسي اللي نعرفها، إحنا بالنسبة ليها بيئة، وهي بقت في حته تانيه خالص وماينفعش الناس دي تيجي فرحي”.

سعد الصغير
سعد الصغير

وتابع:” أنت حرمتيه من الفرح وكل حاجه وأخر كلمة باباها قايلها هي حسبي الله ونعم الوكيل فيكِ لأن ماينفعش بوسي اللي معاها الملايين تعمل كده ماكنتيش هتخسري حاجه”.

الجدير بالذكر أن خلافات كبيرة انتشرت تفاصيلها على مواقع التواصل الاجتماعي وعبر البرامج التليفزيونية، كانت بين بوسي ووالدها الراحل، من بينها أنها لا تسأل عنه ولا تهتم بمساعدته.

شارك