ريهام سعيد: عيلتي كانت متضايقة لما رجعت للشاشة

شارك

أعلنت الإعلامية ريهام سعيد عن دعم أسرتها لها قائلة: عيلتي قريبين مني جدا ، يعني هما الوحيدين اللي جنبي.. مامتي وأختي وبابا وجوزي وولادي، ماعندناش أي نوع من أنواع الكره، لكن كانوا زعلانين لما رجعت للشاشة من حوالي سنة، أمي كانت لما تلاقيني بكلم الناس بتوع المونتاج ترزع الباب”.

وعن سبب كره والدة ريهام سعيد للشاشة قالت: أمي شايفة إن إحنا ما أخدناش منها غير مشاكل، وكمان شايفة إن النجاح في البيت والأسرة هو ده النجاح الحقيقي ، وإن الحياة المهنية لو فيها حروب ومشاكل ده مش نجاح وأنا معاها.

ريهام سعيد ضيفة برنامج ورا الشمس

حيث حلت الإعلامية ريهام سعيد ضيفة في برنامج ورا الشمس للمذيعة أميرة بدر، مساء اليوم الإثنين على قناة الشمس، وتحدثت عن تفاصيل خفية من حياتها.

وعن علاقتها بابنها وابنتها وأيهما أقرب لها قالت سعيد: حسب المرحلة السنية يعني دلوقت بنتي أقرب ليا لكن قبل كده كان ابني ، بس عشان الاتنين سافروا بره يدرسوا بقوا معتمدين على نفسهم أكتر.

مساعدة ريهام سعيد للناس

وأكدت سعيد أن الشيء الوحيد الذي لم تندم عليه هو مساعدتها للناس قائلة: “أي حاجة بقع فيها دلوقت دعاء الناس اللي بيطلعني منها، بحس دايما إن هناك حوار صامت بيني وبين الله سبحانه وتعالى ، لما بيحصل حاجة بلاقي رسالة بلاقي حاجة تخليني أقول ربنا بيكلمني.

ريهام سعيد وأميرة بدر
ريهام سعيد وأميرة بدر

وتابعت الإعلامية ريهام سعيد حديثها قائلة: أنا شكيت في نفسي، من كثرة الهجوم قعدت مع نفسي وقلت أنت ليه مافكرتيش إنك ممكن تبقي وحشة فعلا، قلت بلاش الدفاع المستميت، معقولة كل الناس دي بتتفق إنها تقعد تهاجم مثلا ! بلاش نظرية المؤامرة دي، ولقيت أن ممكن أكون عملت حاجات ماكنش قصدي بس قعدت أقول ما هو لو ماكنش قصدي يبقى معملتهاش، يعني في الإعلام ممكن تعلني خبر عن شخص وهو مش عايز إنك تعلني ، مثلا ممثل وممثلة تطلقوا وأنت أعلنتي خبر طلاقهم وهما مش عايزين حد يعرف.. فالمهنة نفسها بتزعل ناس منك من غير ما تقصدي.

وأكدت سعيد أن الخطأ الوحيد الذي ارتكبته في حياتها المهنية كان في حق نفسها مشيرة إلى أنها كانت تبعد عن بيتها أيام كثيرة ، وأنها أهلكت صحتها وأعصابها بسبب العمل .

ياسمين النرش

وعن دفاعها عن ياسمين النرش قالت سعيد: أنا ماكنتش بدافع عن ياسمين النرش ، أنا كنت بدافع عن نقطة واحدة وهي أنه ليه لما بنتضايق من حد بنطعن في عرضه !؟ أنا ممكن أتضايق منه بحجم اللي عمله لكن مش أول سلاح طعن في الأعراض.

يذكر أن ياسمين النرش اعتدت على ضابط شرطة في مطار القاهرة، عام 2015 لتأخيره في إنهاء إجراءات سفرها، وقضت محكمة شمال القاهرة بحبسها لمدة 3 سنوات في مارس عام 2018.

شارك

One thought on “ريهام سعيد: عيلتي كانت متضايقة لما رجعت للشاشة

Comments are closed.