أشرف رمضان عن مُسلم:”مش محدود في المهرجانات بس.. وبيوزع أغلب أغانيه وبيكتبها بنفسه” (خاص)

0
  • أحمد الزاهد

أعرب مطرب المهرجانات الصاعد” أشرف رمضان” عن سعادته بمشاركته مع المطرب “مُسلم” في كليب “خطر“، “ومواليد إيطاليا”.

وعن مُسلم قال أشرف في تصريح خاص لـ”الانطلاقة نيوز”:”مُسلم بجد أنا شايف أنه مش محدود في المهرجانات بس وفنان في حاجات كتير جدًا والدليل الناس تسمع تترات المسلسلات بتاعته وتسمع الأغاني بتاعته بكل أنواعها بعيدًا عن المهرجانات”.

وتابع: ” مُسلم بقا بيوزع أغلب أغانيه ويكتبها هو بنفسه ودا دليل أنه بيتطور دايمًا مبيثبتش على حاجه واحده”.

من جانبه كان قد أعرب مخرج المهرجانات الصاعد “أشرف رمضان” عن سعادته بالمشاركه في كليب “خطر” للمطربان الشعبيان”حوده بندق ومسلم”.

وذكر”أشرف” في تصريح خاص لـ”الانطلاقة نيوز” قائلاً:”كانت أول مشاركه مع حوده بندق وتاني مشاركه مع مسلم بعد مهرجان “مواليد إيطاليا”.

وعن مشاركته مع كبار المهرجانات قال “أشرف”كان شعور موتر شويه خصوصًا إن وقت تصوير وإخراج الكليب كان ضيق جدًا بسبب إن مسلم قرر قبل نزول الأغنيه بـ3 أيام إن الأغنيه يتعملها فيديو كليب فكان تجهيز الفكره والتصوير ، والإخراج كله تم في يومين بالظبط”.

وتابع “كواليس الكليب كانت جميلة جدًا ودا بسبب حيوية روح مسلم وحوده بندق وطاقتهم اللي خرجوها قبل التصوير في الحاجه اللي بيحبوها وإن شاء الله هينزل فيديو كواليس قريب لذيذ جدًا”

وأستكمل “في شغل بجهزله مع مسلم هيكون مختلف عن أي حاجه اتعملت في مصر”.

جديرًا بالذكر يؤدي أغنية خطر المطربان الشعبيان حوده بندق، ومسلم، وكلمات الأغنية من تأليف إسلام المصري، وألحان محمد حريقة.

وصمم البوستر أحمد محمد، بينما السوشيال ميديا سامو، ورحمة حلواني، ومن إخراج أشرف رمضان، ومدير التصوير بولا كمال، وكواليس بيشوي رفله.

كلمات أغنية خطر:-

لقيتك أرخص من العتاب قولت أخسرك.. العودة بعد الزهاب قلت يا صحبي من منظرك.

مُسلم:

أنا مش مكبراها بسب بقيت بستنضف.. في ناس وجودهم في حياتنا عمره ما كان يشرف.

بندق:

قالو الرجولة كنز وصعب توصلولو.. قالو الجدعنة برج وصعب عويل يطولو.

قالو الصحاب دي رزق بس أين هما؟ أنا نفسي أشوف صاحب لساه جواه أصولو.

مُسلم:

الدنيا فينا جارحة سارقة كل يومنا.. تخطف مننا الضحكه وتزود همومنا.

والعيشه بايظة خالص وأنتو عينكو راشقة.. باصين فب أكلنا وشربنا وفي هدومنا.

اترك رد

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.