أشرف رمضان: وقت تصوير “خطر” كان ضيق جدًا.. وفي شغل بجهزله مع مسلم هيكون مختلف عن أي حاجه اتعملت في مصر (خاص)

0
  • أحمد الزاهد

أعرب مخرج المهرجانات الصاعد “أشرف رمضان” عن سعادته بالمشاركه لأول مره مع مطرب المهرجانات”حوده بندق” وللمره الثانية مع المطرب “مسلم” في كليب “خطر“.

وذكر”أشرف” في تصريح خاص لـ”الانطلاقة نيوز” قائلاً:”كانت أول مشاركه مع حوده بندق وتاني مشاركه مع مسلم بعد مهرجان “مواليد إيطاليا”.

وعن مشاركته مع كبار المهرجانات قال “أشرف”:”كان شعور موتر شويه خصوصًا إن وقت تصوير وإخراج الكليب كان ضيق جدًا بسبب إن مسلم قرر قبل نزول الأغنيه بـ3 أيام إن الأغنيه يتعملها فيديو كليب فكان تجهيز الفكره والتصوير ، والإخراج كله تم في يومين بالظبط”.

وتابع “كواليس الكليب كانت جميلة جدًا ودا بسبب حيوية روح مسلم وحوده بندق وطاقتهم اللي خرجوها قبل التصوير في الحاجه اللي بيحبوها وإن شاء الله هينزل فيديو كواليس قريب لذيذ جدًا”

وأستكمل “في شغل بجهزله مع مسلم هيكون مختلف عن أي حاجه اتعملت في مصر، وهيكون معانا مدير التصوير “بولا كمال” الذي يضيف الكثير من الإبداع في أي عمل بيشارك فيه، وأنا وهو دايمًا بنشارك في معظم الأعمال مع بعض”.

كواليس كليب خطر
كواليس كليب خطر

جديرًا بالذكر يؤدي أغنية خطر المطربان الشعبيان حودة بندق، ومسلم، وكلمات الأغنية من تأليف إسلام المصري، وألحان محمد حريقة.

وصمم البوستر أحمد محمد، بينما السوشيال ميديا سامو، ورحمة حلواني، ومن إخراج أشرف رمضان، ومدير التصوير بولا كمال، ومصور الكواليس والاعلانات بيشوي رفله.

كلمات أغنية خطر:-

لقيتك أرخص من العتاب قولت أخسرك.. العودة بعد الزهاب قلت يا صحبي من منظرك.

مسلم:

أنا مش مكبراها بسب بقيت بستنضف.. في ناس وجودهم في حياتنا عمره ما كان يشرف.

بندق:

قالو الرجولة كنز وصعب توصلولو.. قالو الجدعنة برج وصعب عويل يطولو.

قالو الصحاب دي رزق بس أين هما؟ أنا نفسي أشوف صاحب لساه جواه أصولو.

مسلم:

الدنيا فينا جارحة سارقة كل يومنا.. تخطف مننا الضحكه وتزود همومنا.

والعيشه بايظة خالص وأنتو عينكو راشقة.. باصين فب أكلنا وشربنا وفي هدومنا.

اترك رد

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.