خرجت من الرعاية المركزة.. تعرف على تطورات حالة ياسمين عبد العزيز

0

كشف الفنان وائل عبدالعزيز شقيق الفنانة ياسمين عبد العزيز، عن تحسن الحالة الصحية لها، بعد دخولها في غيبوبة منذ أيام.

وقال في منشور عبر حسابة الشخصي بموقع التواصل الاجتماعي “فيسبوك” : “الحمد لله.. ياسمين عبد العزيز حالتها بتتحسن.. دعواتكم” .

وكشف الفنان أحمد العوضي عن تطورات الحالة الصحية للفنانة ياسمين عبد العزيز بعد خروجها من العناية المركزة.

وقال أحمد العوضي في منشور عبر حسابه بـ فيسبوك :” الحمد لله یاسمین خرجت من الرعاية المركزة لكن تعليمات الأطباء المعالجين ممنوع الزيارة تماما لمدة أسبوعين خوفًا عليها حيث إن الحالة تحت الرعاية الطبية الشديدة حتي استقرار الحالة”.

وأضاف أحمد العوضي:” اعتذر لكم عن عدم ردي لكن اعذروني غصب عني شكرا ليكم كلكم علي دعواتكم ليها ومشاعركم الطيبه وحبكم اليها ….. ادعولها ربنا يكملها علي خير وتقوم بالسلامه”.

أحمد العوضي يطلب الدعاء لـ ياسمين عبدالعزيز 

فيما طلب الفنان أحمد العوضي، من الجمهور الدعاء لزوجته الفنانة ياسمين عبدالعزيز، بعد دخولها غرفة العمليات.

كتب أحمد العوضي:” يمكن ببان قدامكم دايما قوي .. لكن الحقيقة أنا دلوقتي أضعف إنسان علي وجه الأرض عشان أنا روحي مش معايا … أنا ضعيف جدا من غيرك إنتي لازم تبقي كويسة ولازم تقومي بالسلامة … أنا لأول مرة أكتب من غير ما أكون مفكر أنا بكتب إيه وهكتب إيه … بس انتي هتقومي إن شاء الله بإذن الله عشان إنتي وعداني وعد وهتتفذيه”.

وتابع قائلًا:” انا عاوزك ياسمين عبد العزيز تبقي كويسه وتقومي عشان اقولك اني لو كنت ببينلك اني بحبك مره فالحقيقي واللي جوايا اني بحبك الف مره … وانا دلوقتي مش قوي زي ما انتي بتشوفيني انا دلوقتي ضعيف ضعيف جدا .. لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك” .واختتم أحمد العوضي، حديثه قائلاً: “قومي عشان انا بحبك… بحبك اكتر بكتيير من كل الكلام اللي انا كتبته .. اكتر بكتير من كل اللي عدينا بيه مع بعض من ايام حلوه ومواقف صعبه مرت علينا … اكتر بكتير حتي من الموقف اللي احنا فيه دلوقتي .. انا بحبك .. ادعولها تقوم بالسلامه زي ما انتو دايما بتدعولها بالنجاح والتوفيق .. هي دلوقتي محتاجه دعواتكم”.

اترك رد

لن يتم نشر عنوان بريدك الإلكتروني.