حالتها خطرة.. صلاح عبد الله يطلب من متابعيه الدعاء لـ ياسمين عبد العزيز

1

طلب الفنان صلاح عبد الله، من متابعيه الدعاء للفنانة ياسمين عبد العزيز، وذلك عقب دخولها المستشفى، عبر حسابه الشخصي بموقع تبادل الصور والفيديوهات “إنستجرام”.

وفي سياق متصل كشف الفنان وائل عبد العزيز شقيق الفنانة ياسمين عبد العزيز، عن آخر تطورات الحالة الصحية لها بعد إجرائها عملية جراحية.

وقال وائل عبد العزيز في منشور عبر حسابة الشخصي بموقع التواصل الاجتماعي “فيسبوك” قال فيه :”صباح الخير، أنا كل اللي هقدر اقوله دلوقتي، ادعوا لياسمين حالتها خطرة”.

وخضعت الفنانة ياسمين عبد العزيز لعملية جراحية ثانية، وذلك بعد خمسة أيام من إجرائها عملية جراحية أولى بحسب ماذكره موقع صدى البلد .

 

جديرا بالذكر طلب الفنان أحمد حلمي من متابعيه الدعاء للفنانة ياسمين عبد العزيز بعد دخولها المستشفى، وذلك من خلال خاصية الاستوري على حسابه الشخصى بموقع تبادل الصور والفيديوهات إنستجرام.

وكتب حلمي على صورة لـ ياسمين عبدالعزيز “:اختي الغالية ياسمين بتعمل عمليه صعبة ممكم تدعولها تقوم بالسلامة.

فيما طلب الفنان أحمد العوضي، من الجمهور الدعاء لزوجته الفنانة ياسمين عبدالعزيز، بعد دخولها غرفة العمليات.

كتب أحمد العوضي:” يمكن ببان قدامكم دايما قوي .. لكن الحقيقة أنا دلوقتي أضعف إنسان علي وجه الأرض عشان أنا روحي مش معايا … أنا ضعيف جدا من غيرك إنتي لازم تبقي كويسة ولازم تقومي بالسلامة … أنا لأول مرة أكتب من غير ما أكون مفكر أنا بكتب إيه وهكتب إيه … بس انتي هتقومي إن شاء الله بإذن الله عشان إنتي وعداني وعد وهتتفذيه”.

وتابع قائلًا:” انا عاوزك تبقي كويسه وتقومي عشان اقولك اني لو كنت ببينلك اني بحبك مره فالحقيقي واللي جوايا اني بحبك الف مره … وانا دلوقتي مش قوي زي ما انتي بتشوفيني انا دلوقتي ضعيف ضعيف جدا .. لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك” .واختتم أحمد العوضي، حديثه قائلاً: “قومي عشان انا بحبك… بحبك اكتر بكتيير من كل الكلام اللي انا كتبته .. اكتر بكتير من كل اللي عدينا بيه مع بعض من ايام حلوه ومواقف صعبه مرت علينا … اكتر بكتير حتي من الموقف اللي احنا فيه دلوقتي .. انا بحبك .. ادعولها تقوم بالسلامه زي ما انتو دايما بتدعولها بالنجاح والتوفيق .. هي دلوقتي محتاجه دعواتكم”.

تعليق 1
  1. […] الحالة الصحية للفنان صلاح عبد الله ، وذلك بعد تعرضه لأزمة قلبية مفاجأة استدعت تركيب دعامة […]

اترك رد

لن يتم نشر عنوان بريدك الإلكتروني.