“في الرعاية”.. أحمد العوضي يكشف تطورات الحالة الصحية لـ ياسمين عبد العزيز.. وينفي صحة الأخبار المتداولة

4

علق الفنان أحمد العوضي عن الأخبار المتداولة حول الحالة الصحية لزوجته الفنانة ياسمين عبد العزيز ودخولها في غيبوبة تامة بعد إصابتها بتسمم في الدم نتيجة خطأ طبي.

وكتب أحمد العوضي عبر حسابه على موقع التواصل الاجتماعي فيسبوك: “يا جماعة بعد إذنكم.. أي تصريح عن الحالة عن طريقي فقط.. وأنا مقلتش أي تصريح عن حالة ياسمين غير إني طلبت منكم دعواتكم.. وتمنياتكم لها بالشفاء العاجل.. شكرا ليكم”.

أحمد العوضي وياسمين عبد العزيز
أحمد العوضي وياسمين عبد العزيز

وتابع قائلا: “هي في الرعاية دلوقتي ومحتاجة دعواتكم .. دي كفاية إنها تهون عليها”.

وائل عبد العزيز يكشف آخر تطورات ياسمين عبد العزيز 

كشف الفنان وائل عبد العزيز شقيق الفنانة ياسمين عبد العزيز، عن آخر تطورات الحالة الصحية لها بعد إجرائها عملية جراحية.

وقال وائل عبد العزيز في منشور عبر حسابة الشخصي بموقع التواصل الاجتماعي “فيسبوك” قال فيه :”صباح الخير، أنا كل اللي هقدر اقوله دلوقتي، ادعوا لياسمين حالتها خطرة”.

وخضعت الفنانة ياسمين عبد العزيز لعملية جراحية ثانية، وذلك بعد خمسة أيام من إجرائها عملية جراحية أولى.

 أحمد حلمي يطلب الدعاء لـ ياسمين 

جديرا بالذكر طلب الفنان أحمد حلمي من متابعيه الدعاء للفنانة ياسمين عبدالعزيز بعد دخولها المستشفى، وذلك من خلال خاصية الاستوري على حسابه الشخصى بموقع تبادل الصور والفيديوهات إنستجرام.

وكتب حلمي على صورة لـ ياسمين عبدالعزيز “:اختي الغالية ياسمين بتعمل عمليه صعبة ممكم تدعولها تقوم بالسلامة.

أحمد العوضي يطلب الدعاء لـ ياسمين عبدالعزيز 

فيما طلب الفنان أحمد العوضي، من الجمهور الدعاء لزوجته الفنانة ياسمين عبدالعزيز، بعد دخولها غرفة العمليات.

كتب أحمد العوضي:” يمكن ببان قدامكم دايما قوي .. لكن الحقيقة أنا دلوقتي أضعف إنسان علي وجه الأرض عشان أنا روحي مش معايا … أنا ضعيف جدا من غيرك إنتي لازم تبقي كويسة ولازم تقومي بالسلامة … أنا لأول مرة أكتب من غير ما أكون مفكر أنا بكتب إيه وهكتب إيه … بس انتي هتقومي إن شاء الله بإذن الله عشان إنتي وعداني وعد وهتتفذيه”.

 

وتابع قائلًا:” انا عاوزك ياسمين عبد العزيز تبقي كويسه وتقومي عشان اقولك اني لو كنت ببينلك اني بحبك مره فالحقيقي واللي جوايا اني بحبك الف مره … وانا دلوقتي مش قوي زي ما انتي بتشوفيني انا دلوقتي ضعيف ضعيف جدا .. لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك” .واختتم أحمد العوضي، حديثه قائلاً: “قومي عشان انا بحبك… بحبك اكتر بكتيير من كل الكلام اللي انا كتبته .. اكتر بكتير من كل اللي عدينا بيه مع بعض من ايام حلوه ومواقف صعبه مرت علينا … اكتر بكتير حتي من الموقف اللي احنا فيه دلوقتي .. انا بحبك .. ادعولها تقوم بالسلامه زي ما انتو دايما بتدعولها بالنجاح والتوفيق .. هي دلوقتي محتاجه دعواتكم”.

4 تعليقات
  1. […] أحمد العوضي:” يمكن ببان قدامكم دايما قوي .. لكن الحقيقة أنا دلوقتي […]

  2. […] أحمد العوضي:” يمكن ببان قدامكم دايما قوي .. لكن الحقيقة أنا دلوقتي […]

  3. […] أحمد العوضي، حديثه قائلاً: “قومي عشان انا بحبك… بحبك اكتر […]

  4. […] أحمد العوضي:” يمكن ببان قدامكم دايما قوي .. لكن الحقيقة أنا دلوقتي […]

اترك رد

لن يتم نشر عنوان بريدك الإلكتروني.