والد حلا شيحة: كانت عاتبت تامر في التليفون مش دي حلا اللي أنا أعرفها

2

 

عرضَّ الفنان التشكيلى الكبير “أحمد شيحة” رأيه بعد تصريحات ابنته حلا شيحة ضد صناع فيلم “مش أنا” للنجم تامر حسنى، وعبر عن استيائه الشديد.

 

حيث علق قائلاً” كلام ما يصحش، وهى صورت الفيلم وكانت معجبة بيه جدا، والكلام ده ما اعرفش أساسه إيه، إنتى صورتى وخلاص.. مش دى حلا اللى أنا أعرفها”.

 

وتابع: “كانت عاتبت تامر حسنى فى التليفون، وأنا حضرت أول يوم تصوير معاهم وكان فرحان بينا جدا، وأقول لتامر مبروك، الفيلم ناجح جدا نتيجة لمجهود أتعمل، وبهنئ الناس اللى اشتغلت فى الفيلم، والحمد لله الفيلم حقق إيرادات غير مسبوقة”.

 

وواصل: “غير موافق على كلام حلا على الإطلاق وما ينفعش الكلام ده، ومش عشان خاطر هى بنتى هطاوعها فى الغلط”.

 

وكشفت الفنانة حلا شيحة عن غضبها الشديد من الفنان تامر حسني بعد تجاهله لها وطرحه فيديو كليب “بحبك” من فيلم “مش أنا” والذي يتضمن مشاهد رومانسية تجمعه بها.

 

وقالت حلا شيحة في منشور عبر حسابها بموقع تبادل الصور والفيدبوهات “إنستجرام” مهاجمة تامر حسني: “أنااتفاجئت جدًا بنزول كليب يجمع فيه مشاهد متفرقة من الفيلم و خصوصا بعد آخر بوست نزلته و وضحت فيه أنا إيه ..و اتفاجئت أكتر خصوصا بعد وعد تامر حسني ليا وتأكيده إنه هیحترم رغبتي و بعض الطلبات اللي طلبتها منه بكل احترام وود الصيف اللي فات وأکد لي إنه هيحترم رغبتي”.

 

كما أضافت حلا شيحة: “احنا يمكن نجحنا بمقاييس الدنيا بس صدقوني بمقايیس ربنا احنا لم ولن ننجح أنا عارفة ومتأكدة إن زملائي جواهم خير بس للأسف فتنة الشهرة والنجاح مش بتخلينا نشوف ونقيس الأمور صح بتكلم من قلبي الكليب ده مايرضيش ربنا و أنا عيطت لأني شفت نفسي في المشاهد دي .. دي كانت زلة نتيجة ظروف مريت بيها و كلنا بنغلط و لازم نغلط علشان احنا بشر بس المصيبة إننا بنغفل وننسى”.

 

و تابعت شيحة : “أنا مش هتكسف من حد أنا توبت من المشاهد دي و هي لا تصح و أنا غلطت و بصلح و أهم حاجة أن ربنا يرضى عني لأن في الآخر ده اللي هينفعنا مش الشهرة و لا النجاح لا هو مش نجاح أصلا علشان النجاح الحقيقي حاجة تانية خالص احنا اغلبنا ناسينها إلا القليلين منا الفن لو بيخلينا نبعد عن منهج ربنا و مانبقاش قدوة لولادنا يبقي باطل و مايبقاش فن”.

 

ومن جانبه؛ تجاهل تامر حسني كلام حلا شيخة، لتقوم الأخيرة بإلغاء متابعته على موقع تبادل الصور إنستجرام ؛ رغم مشاركتهما مؤخرًا في فيلم” مش أنا”.

 

جدير بالذكر أن الفنانة حلا شيحة قد غابت عن العرض الخاص لفيلم “مش أنا”، والذي احتفل به الفنان تامر حسني من خلال ظهوره في البرنامج ، معلقةً قائلة : ” ” بحمد ربنا إنى أخيرًا لقيت التوازن إني أكون سعيدة في حياتي ونفسي أكون صادقة مع نفسي واللي مؤمنة بيه، أما بالنسبة لفيلم “مش أنا” الحقيقة إن تم تصويره من أكثر من سنة ونص، وبسبب ظروف كورونا اتأخر جدًا نزوله وأنا كمان حالي اتغير واتجوزت الحمد الله، والفيلم بقى فعلا مش أنا وأتمنى التوفيق لكل زملائي.

 

يذكر أن تدور قصة فيلم “مش أنا“، حول حالة نفسية ما تصيب “حسن”، والذي يجسده الفنان تامر حسني، وتربطه علاقة قوية جدًا بوالدته المريضة وهي الفنانة سوسن بدر، حيث يحرص دائمًا على الجلوس معها أطول وقت ممكن ومراعاتها والعناية بها فهي محور حياته، الفيلم من إخراج سارة وفيق، وتأليف تامر حسني، وإنتاج تامر مرسي، ومن بطولة تامر حسني، وحلا شيحة، وماجد الكدواني، وحجاج عبد العظيم، وسوسن بدر.

2 تعليقات
  1. […] بالذكر أن الفنانة حلا شيحة قد غابت عن العرض الخاص لفيلم “مش أنا”، والذي […]

  2. […] أن تدور قصة فيلم “مش أنا“، حول حالة نفسية ما تصيب “حسن”، والذي يجسده […]

اترك رد

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.