حسام حبيب لـ نضال الأحمدية: بلاش شغل التماحيك..وهعرفك يعني إيه مصر

0

 

نشر الملحن حسام حبيب عبر صفحته الشخصية بموقع تبادل الصور والفيديوهات”إنستجرام” ، فيديو جديد تضمن رد على الإعلامية نضال الأحمدية بشأن التسجيلات المسربة.

 

وقال حسام حبيب :”سمعت حاجة بعد ماخلصتش شغل ضحكتني، إن المدعية” نضال الأحمدية” بتقول مواجهة جديدة مع حسام حبيب.. عاوز اقولها انتى مواجهاتك مع الناس اللي بتعرفي تخترقيهم بشبكتك، وحوالتي تتمسحي بمصر وتجيبي سيرة سد النهضة وحاجات أشرف وأكبر من أنها تيجي على لسانك”.

 

وأكمل : “بلاش شغل التماحيك، عشان مصر بلد كبيرة وفيها قانون، وصدقينى الدنيا كلها عارفة يعنى إيه مصر، والدنيا كلها عارفة إن مفيش حق مصرى بيضيع” .

 

وأضاف حسام حبيب : “أنا أول مرة أسمع عن أسلوب صحفى بتزقى فيه بنات يعملوا مكالمات مع ناس وتسميه صحافة استقصائية، ده اسمعه اتجار بالبشر”.

 

 

وتابع : “أنا منفتش.. لكن أنا أرجل وأنضف بكتير من إن أنفى، صوته أو مش صوته ميخصنيش، أنا يخصني بيتي ومراتي وعيلتي فقط، إنما انتى عاوزه تجرى ورا مين، ورا حد بالاسم يقربلى لكن بالفعل لأ وده اللى انتى عارفاه كويس، لا بدافع عنك ولا عنه”.

 

وشدد حبيب قائلا:” أنا قررت إنى أواجه الحقيقة بشجاعة وهقول للإنسان الأعور انت أعور فى وشه، وأوعى تفتكري إني هخاف من استقصاءاتك ، لسة في جوالات بيني وبينك ، وهعرفك يعني أيه مصر ، وهعرفك يعني اية تخوضي فى أعراض وبيوت مصريين ، ومن هنا ومن مكاني هعرف ازاي أجيبك بالقانون ” .

 

وعلى صعيد متصل خرج الملحن حسام حبيب في مقطع فيديو لايف مع زوجته الفنانة شيرين عبد الوهاب وابنتهما عبر حسابة الشخصي بموقع تبادل الصور والفيديوهات “إنستجرام” ،وذلك ليروي تفاصيل أزمة التسريبات المسجلة لوالده.

 

وقال “حسام” مازحا للجمهور وهو يحتضن زوجته شيرين وابنتها: “إيه رأيكم فيا وانا بضحك على شيرين عبد الوهاب واخدت الفيزا كارد بتاعتها ايه رائيكم فينا.. بكره هنجبلكم فيديو من المحكمة”.

 

وأضاف: “عمري ما عملت فيديو عن أي حاجة اتقالت عليا، لكن بعد ما اتفرجت على كام حاجة بسبب الأزمة الأخيرة بحب أشكر الناس اللي دافعت عننا، ودول طلعوا أشجع وأجدع من ناس تفتكرهم حبايبك وفي بينكم علاقات دم وعشرة عمر”.

 

وتابع: “أنا عارف أقرب الناس ليا زاقين ناس على ناس، والناس دي مصلحتها أن شيرين تكون منتهكة ومش فاهمة حقوقها، بس على فكرة شيرينعندها شركة بتدير أعمالها والقائمين عليها ناس محترفة وأنا مليش علاقة بيهم، وشيرين أقدم مني وأنجح مني ومش محتاجة حد يقولها تعملي إيه ولا منتظرة أوامر من حد، وأنا لما تزوجتها كانت أشهر واحدة في الوطن العربي”.

 

وأردف: “هم بيعملوا الحاجات دي أملًا في أن تتأثر علاقتنا مع بعض أو تنتهي، لكن ربنا اختارنا لبعض وأنا بعرف ربنا كويس، وأنا مش هنكر صوته ولا مش صوته، وأنا اتأذيت من أقرب شخص لي، ودي مش أول مرة”.

 

وواصل “حسام” في مقطع الفيديو: “أنا أسف بقول الشخص ده، وأنا مش هيخصني صوته ولا مش صوته، ودي مش أول مرة يأذيني، وحسبي الله ونعم الوكيل”.

 

واستطرد: “أنا لحد الآن بتعامل بمنتهى الأدب وده مش معناه ضعف، ولو الحاجات دي استمرت أنا هجيب حقي بالقانون مهما يكون درجة قرابته لي”.

 

وقال حسام حبيب : “اللي زق الناس دي وسجل فعليًا من أقرب الناس ليا، والشخص ده عاوز يخرب بيوت وجاب سيرة أمي وهو منفصل عنها من 30 سنة، وده مش هقبله، أمي هي اللي ربتني وعلمتني، ودائمًا كانت تقولي اسأل على أبوك، لكن كدا كفاية”.

 

واختتم “حسام” مقطع الفيديو قال: “ابعدوا عن شيرين وسيبوها في حالها ولبيتها وبنتها، وأحب أطمئن جمهورها هي بخير وهتكون قوية وحاليًا بتحضر حاجات فنية”.

 

ومن جهتها، دافعت الإعلامية اللبنانية نضال الأحمدية عن نفسها؛ كونها المسئولة عن نشر التسجيل الصوتي لوالد الفنان حسام حبيب، قائلة: “شيرين لم تعترض على هذا التسجيل، وشبهت ما فعلته بأنه باباراتزي، وهم المصورون مطاردو المشاهير الذين يلاحقونهم في كل مكان للحصول على صور مميزة وبيعها”.

 

 

وأضافت نضال الأحمدية خلال تصريحات عبر تطبيق “زووم” مع الإعلامية بسمة وهبة مقدمة برنامج “90 دقيقة”، الذي يعرض عبر شاشة “المحور”، أن شيرين لم تنفِ ما جاء في التسجيل، كما أنها استطاعت تقديم سبق صحفي: “عدد ضخم من الناس اهتم بسماع التسجيلات، وبالتالي فنحن قدمنا مادة يتمنى الناس أن يسمعوها ولم نقدم خبرا تافها”.

 

اترك رد

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.