أرفض القبلات والتعري..إيمان السيد تكشف سبب موافقتها على بوسه عادل إمام

1

كشفت الفنانة الكوميدية إيمان السيد، عن تفاصيل جديدة بشأن فيلم “زهايمر”، بطولة الفنان عادل إمام، وذلك في برنامج “الراديو بيضحك مع فاطمة مصطفى” على راديو 9090.

 

وقالت إيمان:”الأستاذ عادل إمام هو اللي اختارني للشخصية، وده اللي خلاني متكلمتش في حاجة بخصوص هذا العمل، لكن أنا من الفنانات اللي من ساعة ما ظهرت كنت بقول لازم أقرأ الأول قبل الموافقة على أي عمل، وفيه ناس قالت عليا بسبب الموضوع ده (ليه، هي فاكرة نفسها إيه؟!)، وأنا من النوع اللي بيحب يقرأ العمل على بعضه”.

 

وأضافت: “طلبت من مساعد المخرج الأول قلتله بوس ما بتبسش وعريان ما بلبسش، وبصراحة الأستاذ عادل إمام كان بيقولي قدام الناس كلها في البروفات بصوت عالي “دمك زي الشربات وأنتِ أول واحدة اخترتها للدور أول ما قريت السيناريو، عشان أنتِ بتضحكيني” وأنا حسيته في التصوير زي بابا، وهو إنسان جميل”.

 

وعن مشهد القُبلة التي جمعت بينهما بالفيلم، فقالت لما جينا للمشهد البوسة في خدي، قالي قبل ما يبوسني، أنا زي بابا والناس بتسلم على بعض كدا، وهو أصلا مشهد كوميدي مضيفة كنت خلاص أنا اتعاملت معاه وحساه زي بابا وهو حد جميل وربنا يديله الصحة، وعملنا المشهد ده.

 

فيلم “زهايمر” بطولة عادل إمام، سعيد صالح، فتحي عبدالوهاب، أحمد رزق، نيللي كريم، رانيا يوسف، ومن إخراج عمرو عرفة.

 

يذكر أن آخر أعمال الفنانة إيمان السيد مسلسل “اللى ملوش كبير”، تأليف عمرو محمود ياسين، إخراج مصطفى فكرى، إنتاج شركة سينرجى، بطولة ياسمين عبد العزيز، أحمد العوضى، خالد الصاوى، أحمد سعيد عبد الغنى، دنيا عبد العزيز، محمود حافظ، إيمان السيد، بدرية طلبة، عايدة رياض، فتوح أحمد، أحمد الرافعى، أحمد عبد الله محمود، محمود ياسين “جونيور” وهدى الإتربى، وتدور أحداثه فى إطار اجتماعى أكشن.

تعليق 1
  1. […] وأحمد سعيد عبد الغنى، ودنيا عبد العزيز، ومحمود حافظ، وإيمان السيد، وبدرية طلبة وعايدة رياض وفتوح أحمد وأحمد الرافعى […]

اترك رد

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.