أحمد زاهر يدعم محمد سامي:اشتغلت معاه أكثر من 5 أعمال مشوفتش منه غير كل خير

0

حرص الفنان أحمد زاهر على دعم المخرج محمد سامي وذلك بعد أزمته الأخيرة، حيث نشر صورة برفقة عبر حسابه الشخصي بموقع تبادل الصور والفيديوهات”إنستجرام” .

 

وعلق عليها “أنا مش ضد قرار المتحده لان اكيد ده له اسباب وفي سبيلها للحل باذن الله انا ضد حمله التشويه البشعه لسمعه وشخص محمد سامي اللي بيقوم بيها بعض الزملاء وبعض اللجان الإليكترونية انا ضد تشويه سمعه اي حد مش بس محمد سامي”.

 

وأضاف زاهر “الراجل ده انا اعرفه من 11 سنه و اشتغلت معاه اكتر من خمس اعمال مشوفتش منه غير كل خير واحترام و تقدير للموهبه و بقولها و هاقولها طول عمري محمد سامي هو اللي غير حياتي بعد اراده ربنا سبحانه و تعالي ولن انسي له هذا الفضل هو اللي خلاني اخس 100 كيلو عشان تمسك بيا في مسلسل حكايه حياه و ده الدور اللي غير حياتي و تتوالي بعده كم نجاحات و كلها معاه واخرها فتحي في البرنس ودي كانت نقطه تحول تانيه في حياتي”.

 

واختتم زاهر “تفتكروا اللي شفت منه كل الخير والاحترام والتقدير والموهبه و النجاح ده كله مكنش جنبه وادعمه انا مفيش في ايدي حاجه اعملها غير اني اقول شهاده حق يعلمها الله سبحانه و تعالي وعاوز بس افكركوا ان محمد سامي هو نفس المخرج اللي سقفتوا له كل السنين اللي فاتت و من منا بلا خطيئه”.

 

وكانت الشركة المتحدة للخدمات الإعلامية أعلنت في بيان أنه قد تم اتخاذ قرار بوقف التعامل مع المخرج وكاتب السيناريو محمد سامي.

 

جديرا بالذكر فإن آخر أعمال الفنان أحمد زاهر مسلسل”لؤلؤ” بطولة مي عمر، وأحمد زاهر، ونجلاء بدر، ونرمين الفقى، ومحمد الشرنوبي، وإدوارد، وهيدي كرم، وسلوى عثمان، وعماد زيادة، وحمدي هيكل، وهدير عبدالناصر، ومحمد مهران، وأحلام الجريتلي، وقصة مي عمر، وسيناريو وحوار محمد مهران، وإخراج محمد عبد السلام، وإشراف على التأليف والإخراج محمد سامي.

اترك رد

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.