هالة مرزوق:المخرج شادي الفخراني اداني فرصة كبيرة..وكل الشكر يرجع ليه (حوار)

3

حوار:علي الشيخ

خظفت الفنانة هالة مرزوق الأنظار إليها خلال ظهورها في مسلسل”نجيب زاهي زركش ” بدور سحر.

وتحدثت الفنانة هالة مرزوق عن تقديمها دور “سحر” التي تألقت به في مسلسل “نجيب زاهي زركش ″ وكشفت عن كواليس العمل وترشيحها للدور، والصعوبات التي واجهتها،وأحب الأعمال إليها، وبدايتها الفنية، بالإضافة إلى الأعمال التي تجهز لها، في حوار خاص لـ” الانطلاقة نيوز ” تكشف تفاصيله السطور التالية:

-في البداية كيف كانت كواليس مسلسل “نجيب زاهي زركش”؟

كانت من أحلى الكواليس اللي دخلتها في حياتي؛ لأن كان حلم من أحلامي إني أشتغل مع الدكتور يحيى الفخراني، وأشتغل مع المخرج شادي، ومع أستاذ عبدالرحيم كمال،فعندما دخلت اللوكيشن كان يعني كل (التصوير-الإخراج-الإنتاج-الممثلين) كل الناس كانت حلوة جدا، وكانت بتقول لي كلام حلو كانت بتشجعني جدا، فكانت أحلى كواليس وكنت مبسوطة ومرتاحة جدا وأنا بشتغل.

-من رشحك لهذا الدور؟

اللي رشحني للدور صديقتي مريم السكري، اللي عاملة دور أكملهم رشحتني ولما عملت الأديشن الأستاذ شادي اختارني.

-بعد تألقك في تجسيد الدور والإضافة له أشاد المتابعين وأصبحتي تريند على السوشيال ميديا فكيف استقبلتي هذه الردود؟

انبسطت جدا بإن الدور علم مع الناس بشكل كويس والناس اتعلقت به،موضوع التريند ده بالنسبة لي مش بيفرق معايا لأنه لحظي؛ يعني كبيره يومين أو ثلاثة والموضوع بيروح..انبسطت إن الناس حبت “سحر” أكثر وإن كان ردود الأفعال على الدور كان كويس.

-كيف كانت كواليس العمل مع الفنان “يحيى الفخراني”؟

أحلى كواليس مع الدكتور يحيى الفخراني، فنان عظيم وإنسان ودود جدا،وطول الوقت بيساعدني وطول الوقت بيقول لي كلام حلو، ومتواضع لأبعد الحدود..يعني فنان بحجمه “ميجا ستار” بيريح اللي قدامه مهما كان الممثل صغير ولا كبير،فطبعا الكواليس معاه كانت عظيمة جدا.

 

-ما هي الصعوبات التي واجهتك في التصوير؟

مفيش أي صعوبات واجهتني وأنا بصور الحمد لله كان كله كان مريح جدا.

-من وجهة نظرك هل توجد شخصية “سحر” بيننا؟

طبعا سحر موجودة في حياتنا ونموذج موجود،وده اللي عجبني إن الناس المثقفين اللي في وسط البلد اللي اتفرجوا وقالوا إنه نموذج ده موجود ونموذج حقيقي، وإن الأستاذ عبدالرحيم كمال عرف يصور الفئة دي بشكل قوي جدا.

-ما هو أكثر مشهد صعب بالنسبة لك في المسلسل؟

أكثر مشهد صعب بالنسبة لي المشهد اللي كنت فيه مع الدكتور يحيى الفخراني لما كنت بعترف فيه إن أنا بحب “مسعد” لأن دي كانت نقلة للشخصية لأن هنا الجمهور أول مرة يشوفها في أضعف لحظاتها وبتعترف بحاجة هي مش بتقولها لأي حد،فدا كان لحظة فارقة عند الشخصية فكان صعب جدا.

-ماذا أضاف لكي الفنان يحيى الفخراني؟

دكتور يحيى الفخراني علمني إن الفنان العظيم العظمة دي مش بتيجي من فراغ أبدا، بتيجي من احترام الفنان لفنه والتفاصيل الصغيرة قد ايه هو طول الوقت بيركز في كل التفاصيل قد ايه هو بيذاكر طول الوقت، قد ايه هو برغم إن هو فنان من أعظم الفنانين الموجودين في الوطن العربي ألا إنه بيحترم جمهوره وبيحترم فنه،وما فيش حاجة بيعملها كده بيعملها من غير ما يفكر فيها أو يذاكرها،يعني تعلمت منه حاجات كثير أوي أوي .

-كيف تتعامل هالة مرزوق مع السوشيال ميديا؟

السوشيال ميديا ما ليش ثقل عليها بس مؤخرا بدأت أهتم بها، بشكل أو بآخر هي مهمة في شغلي،بس بحب طول الوقت إن أي أحد يقولي كلام كويس أرد عليه بشكل كويس طبعا، لأن طبعا الفترة دي بقى بييجي من خلال السوشيال ميديا والناس العادية تتكلم كلام كويس وده أكتر حاجة كانت بتبسطني وأي حاجة سلبية أنا ما بردش عليها أصلا.

-حدثينا عن تجربتك مع المخرج شادي الفخراني؟

الأستاذ شادي الفخراني أعطى لي فرصة كبيرة ، بجد بشكره عليها من كل قلبي لأنه آمن بيا، وأعطى لي دور زي دور “سحر” وده ما كانش دور سهل خالص،وأنا بشكره من قلبي على إيمانه بيا،لأن لولاه ما كنتش هبقى موجودة كده وناس بتتكلم عني كده،فكل الشكر والتقدير بيرجع له.

"<yoastmark

-من وجهة نظرك باستطاعة السوشيال ميديا أن ترفع نجوم وأن تهبط نجوم؟

علشان كدا مش بحب السوشيال ميديا، لازم الفنان يتعامل معها بحذر شديد جدا؛ لأن هي ممكن فجأة تستغل ضده أو أي حاجة مش كويسة أو مش في صالحه، فلازم الفنان يتعامل بذكاء مع السوشيال ميديا،بس أنا مش بشوف إن السوشيال ميديا مقياس في نجاح أو سقوط حد، بس هي برضو مخيفة، فعلشان كده لازم الواحد يتعامل معها بحذر.

-حدثينا عن بدايتك في مجال “الفن” ؟

بدايتي كانت في مسرح المدرسة، ثم التحقت بورشة مع الأستاذ أحمد كمال ثم رشحني الدكتور أيمن عبد الرحمن لما شافني في مسرح المدرسة،ثم في مسرحية “كوميديا ماكبث”، ومسلسل “موعد مع الوحوش” قولكان بطولة الفنان خالد صلاح الله يرحمه، وعملت أكثر من عمل بعدها برنامج “البلاتوه” ومسلسل (لمع القط-علامة استفهام-إلا أنا).

-ما هي أحب الأعمال لقلب هالة مرزوق؟

كل عمل عملته كان قريب لقلبي بس طبعا “سحر” هو الأقرب علشان دكتور يحيى الفخراني وعلشان كان حلم كبير من أحلامي إني أقف قدامه فالفكرة إن أنا وقفت قدامه ومثلت قدامه.

-هل تجهزي لأي أعمال في الفترة المقبلة؟

إن شاء الله بصور مسلسل اسمه “الحريري المخملي” إخراج أستاذ أحمد حسن وتأليف أمين جمال.

3 تعليقات
  1. […] سياق آخر، تشارك هالة مرزوق حاليا في مسلسل “الحرير المخملي”، وهو بطولة مصطفى فهمي، داليا مصطفى، أحمد وفيق، هالة […]

  2. […] بالذكر فإن آخر أعمال الفنانة هالة مرزوق مسلسل “نجيب زاهي زركش” من تأليف عبدالرحيم كمال […]

  3. […] الفنانين الشباب، والعمل تأليف عبد الرحيم كمال وإخراج شادى الفخراني وإنتاج […]

اترك رد

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.