علي الشامل: محمد رمضان ممثل من العيار الثقيل..وزوجتي أكتر شخص بيدعمني(حوار)

علي الشامل: رغم الضغط بسبب تعدد الأدوار لكن الحمد لله ربنا كرمني

1

علي الشامل في مسلسل موسى

حوار: أحمد الزاهد_غادة عثمان

يتشرف موقع الانطلاقة نيوز بتقديم حوار شامل وشيق مع الممثل المبدع والذي أثبت جدارته في الساحة الفنية في المارثون الرمضاني لعام 2021 وذلك من خلال مشاركتة في ثلاثة من أروع مسلسلات رمضان لهذا الموسم وهو الفنان علي الشامل الذي أستطاع بإن يوفق في العمل في مسلسل النمر ومسلسل موسى وهذا بالإضافة إلى مشاركتة بجانب الفنان يوسف الشريف في مسلسله الرمضاني كوفيد 25.

حيث دار الحوار كالأتي:-

-في البداية ممكن تعرفنا بنفسك؟

علي الشامل السن 41 سنه المهنة مهندس مدني قبل التمثيل ما ياخد وقتي.

– اكتشفت موهبتك وأنت عندك كام سنه؟ وما هو أول عمل درامي شاركت فيه؟

اكتشفت موهبتي وأنا في الجامعة طبعا وعملت مسرحيتين أنا وصحابي بس كان الوضع مش مساعد أننا نسيب الهندسة ونمثل علشان دراستنا كانت بتحتاج ولما وصل سني 34 سنه بدأت أمثل.

وأول عمل ليا أول سنه اشتغلت فيها كان فيها مجموعه أعمال وهي مسلسل قلوب، ومسلسل الصياد. ومسلسل بن حلال ومسلسل جبل الحلال.

-مين أكتر شخص بيدعمك دايمًا؟

بصراحه أكتر حد بيدعمني زوجتي بتساعدني في حاجات كتير وأنا بحضر الشخصيات في الملابس هي شاطرة استايليست خاصه بيا.

-ما هي الصعوبات اللى واجهتك في بداية طريقك؟

صعوبات وجهتني في بداية طريقي وصولي للمخرجين اللي بيقدروا الموهبة، ولكن استمرت 3 سنوات صعبه إلا أن ربنا كرمني والمخرج اللي اشتغل معاه تاني عمل بيطلبني، وانا فخور بكده.

مين اللي رشحك للدور في مسلسل موسى؟

اللي رشحني في مسلسل موسي أستاذ محمد سلامه المخرج وده بالتعاون مع استاذه مها مخرج منفذ العمل.

-كيف تجهزت لأداء الدور؟

أنا بجهز لأدواري بالمذاكرة الكتير، والرجوع لشخصيات من الواقع، ولكن في موسى دوري انا أخدته من الورق بصراحه المؤلف شاطر جدًا أستاذ كبير من كتابته للورق الشخصية بتتولد معاك وأنت بتقرأ.

-من وجهه نظرك أي رأيك في أداء الأستاذ محمد رمضان؟

بالنسبه لأستاذ محمد رمضان ممثل من العيار التقيل،ومش أول عمل ليا معاه أنا اشتغلت معاه 3 مرات منهم فيلم سينما شد أجزاء.

علي الشامل في كوفيد 25

-حضرتك شاركت في 3 أعمال السنادي (مسلسل النمر_مسلسل موسى_ مسلسل كوفيد 25) هل تعدد الأدوار كان ليه تأثير على وقتك؟

أكيد تعدد الأدوار بيأثر علي وقت الممثل طبعًا ممكن يقعد أسبوع ماينمش ولكن السنادي ربنا كرمني موسي أنا كان أول دور بدأت فيه وخلصت ديكوري الحمد لله ، وبدأت علطول في تصوير دور عزازاي في مسلسل النمر، ومابين ايام النمر اللي كانت كتيره اوي بسبب اللوكيشنات المختلفة ربنا وفقني وعملت كوفيد 25 من إخراج الرائع أحمد نادر جلال وكل ده بفضل المخرجين المنفذين الشاطرين جدا اللي عندنا سواء كانت استاذه مها في موسي أو استاذ وائل صبري في مسلسل النمر، والحمدلله ربنا وفقني.

-هل تجهز لأي أعمال في الفترة المقبلة؟

إن شاء الله في فيلم قريب إنتاج أحمد السبكي ويارب يعجبكم تحياتي لحضرتك ولأسرة الموقع .

تعليق 1
  1. […] بالذكر أن مسلسل موسى بطولة محمد رمضان، سمية الخشاب، عبير صبرى، رياض الخولى، سيد رجب، صبرى […]

اترك رد

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.