مواطن من ذوي الإعاقة يشكو من عدم قدرة التكافل المعيشي بأسرته

0
منزل شاب من ذوي الإعاقة
منزل شاب من ذوي الإعاقة

حوار:محمد حسين

في حوار من داخل محافظة قنا مركز ابو تيشت مع شاب من ذوي الإعاقة يدعى عادل محمد خليفة 27 عام، قال أنه مصاب بضمور بالعضلات ولم يستطع العمل في مجال ما بسبب إعاقته التي تعجزه عن قوت يومه وليس له مصدر دخل يساعده على أعباء الحياة.

هل بتاخد علاج على نفقة الدولة؟

المرض بتاعي ملهوش علاج لفيت على كل الأطباء، آخر دكتور قال لي المرض بتاعك وراثي ملهوش علاج في مصر كلها.

هل حصلت على كارنيه إعاقة..وهل تم صرف ليك معاش نظير إعاقتك؟

نعم حصلت على كارنيه الإعاقة واتصرف لي معاش 450 جنيه ولكن المعاش اتلغى بعد سحب قرض من البنك وعدم الالتزام بالسداد والبنك قدم ضدي بلاغات.

ما الذي دفعك لسحب قرض من البنك؟

كنت عاوز أشتري توكتوك آكل منه لقمة عيش انا ومراتي وبنتي المعيشة صعبة وعليا أكتر من إيجار متأخر لصاحب البيت.

انت حاليا بتصرف إزاي؟

ربنا بيرزقني بأهل الخير بيبعتو اللي فيه النصيب والحياة ماشية.

تزوجت ازاي وأنجبت ازاي وانت في تلك الظروف العسرة؟

اتجوزت واحدة غلبانة على قدي كانت مطلقة وربنا رزقني منها طفلة وحاليا منتظر منها طفل قادم ومش قادر أروح بيها عند الدكتور ومشفق على طفلي حين ينزل للحياة ويشوف أبوه عاجز عن التكافل باحتياجاته وأبسط حقوقه الملزومة مني.

واختتم عادل قائلا نداء للمسؤولين ولأهل الخير..ادعموني في إعاقتي بأى وسيلة تأكلني لقمة عيش وأكفي أسرتي اللي عاجز عن سترهم جزاكم الله عني خير.

اترك رد

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.