يا نهار الشوق على أجمل ناس..تامر حسني يخطف أنظار متابعيه

1

كتب:حنان جبل

خطف الفنان تامر حسني أنظار الجمهور بصورة له عبر مواقع تبادل الصور والفيديوهات الانستجرام وعلق بجانبها قائلاً: “يا نهار الشوق على أجمل ناس،الصورة دي من تصوير إعلان جديد ليا بس تعنيلي كتير اوي”.

وتابع قائلا:” عشان كدا حبيت أكلمكم عليها وبعد ما أخلص كلام هتتأكدوا أنها تعنيلكوا انتوا كمان، من سنين كنت مكان الأطفال الجميلة دول بدرس موسيقى هنا في الكونسيىر فاتور،ولما كان يدخل علينا فنان مشهور كنا بنفرح اوي،ويبقا عندنا حالة ذهول،وكنت بقول يارب في يوم من الأيام أنجح”.

كما أكمل:” أدخل نفس الدخلة دي وأنا فنان مشهور وأشوف نفس النظرة الجميلة في عيون التلاميذ،الحقيقة انا لما دخلت عليهم شوفت نظرة أكبر بمليون مرة من اللي حلمت بيها،نظرة حب وبكاء ومثل أعلى وأسئلة كتير منهم عن مشواري وفضلت يوم كامل أحكيلهم”.

كذلك قال: “هقول حاجة وكل واحد يقيسها على مجاله،أكتر حد هيحب المعنى اللي في الصورة وهيتمناه وهيتعب هو أكتر واحد هيوصل،نهاركم جميل زيكم”.

أيضا علق أحد متابعيه قائلاً: “للمرة المليون أنت الأمل والسعادة والطاقة الإيجابية، صباحك قمر يا روح قلبي، وحقيقي يا بخت الأطفال اللي الفرحة باينة في عيونهم”.

يذكر أن كشف النجم المصري، تامر حسني، عن بعض تفاصيل حفل افتتاح كأس العالم لكرة اليد “مصر 2021” التي تنطلق فعالياتها قريبا في العاصمة المصرية القاهرة.

تعليق 1
  1. […] تامر حسني، أنظار الجماهير بصورة له عبر حسابه الشخصي على موقع […]

اترك رد

لن يتم نشر عنوان بريدك الإلكتروني.