انتصارك بكرة جي

0

بقلم : عاطف محمد

طول مافيك النبض حي انتصارك بكرة جي

هايشاورك ع الطريق

يبقى نورك ماله زي

لسه أنفاسك ف صدرك

شايله 100 مليون سلاح

اسعى بينا للبراح

حي كبر ع الفلاح

افرد الأحلام سفينة

عدى بينا لأي مينا

ازرع الأحزان بضحكة

تطرح الأفراح لبكرة

حط ايدك ع الوجع

هايخف حالا

ارسم خطاوي 100 جدع

تلقى المداين

فيها صوت تكبير صلاة

بينادى حي على الجهاد

الجهاد ضد إللى يظلم

إللى فاسد والمأخون

وإللى فاكر نفسه حاجة

وإللى عبد لكل حاجة

كمل السكة هانوصل

طوّل الخطوة ها نقدر

شيل الألم من قلبنا

جمّع جموعنا كلنا

ابني بيها كل سد

شد بيها كل يد

اعمل جسور

من 1000نور

لجل ماتعدى الكتايب

للعلوم والفنون

وإللي حاضر وإللي غايب

حط للإنجاز معالم

قدر الأستاذ وعالم

طول مافيك النبض حي

انتصارك بكره جى

طول ما قلبك

دقته كلمة وطن

انتصارك بكرة جي

طول ما عزمك

يبقى قادر ع المحن

انتصارك بكرة جي

طول ماوطنك بين وريدك

انتصارك بكرة جي

طول ماتسهر تحمي دينك

انتصارك بكرة جي

طول ماصوتك بيناديها

انتصارك بكرة جي

طول ما تبني وتعلا بيها

انتصارك بكرة جي

طول ما قلبك

ينفطر دوغري عليها

انتصارك لسه جي

طول ما يبقى الكل واحد

انتصارنا بكرة جي.

اترك رد

لن يتم نشر عنوان بريدك الإلكتروني.