في حوار خاص مع لاعب منتخب مصر للشباب :بتمنى إني اقف على رجلي وارجع زي الأول

1

 

حوار: منه علام  

 

يعتبر أحمد السعدني لاعب بلدية المحله ومنتخب مصر للشباب فخر لمركز بسيون، حيث تنقل بين كثير من أفضل الأندية ولكن لم يكن الحظ بجانبه حيث أصيب ويمارس برنامجه التأهيلي.

 

نبذه مختصرة عن حياتك؟

انا أحمد السعدنى لاعب بلديه المحله ومنتخب مصر للشباب مواليد 2001 ومن بسيون غربيه.

امتي بدأ حبك لكرة القدم؟

من أول ما اتولدت.

 

اكتشفت موهبتك امتي ومين اكتشفها؟

ابويا اهتم بيا من صغرى ولحد دلوقتي مهتم بموهبتى

مكتشف موهبتى ابويا ومحمد السعدنى ابن عمى واكتشفت إنى عندى موهبه اما كبرت طبعا.

انضميت لنادي البلدية امتي ؟

ف عام 2015 كنت في سنه تالته إعدادي وقتها وكان عندى 15 سنة.

انضميت للنادي عن طريق الإختبارات ولا ايه، ومين أول كابتن أتدربت معاه؟

لا كنت بلعب في نادي الشمس قبل البلدية وبعدين إنتقلت لنادي البلدية

أول كابتن اتمرنت معاه كان كابتن رجب الدمياطي ودا مثلى الأعلى في المدربين وكان إختبارات عادى زيها زي اي نادي.

طب احكيلنا  شويه علي مشوارك مع البلدية؟

أول ما رحت النادي كان جسمى صغير خالص وبعدين مكانوش بيحبونى ف البلديه ودى كانت أكبر مشكلة قابلتنى ف حياتى، بس أنا تعبت واتمرنت مع نفسى وقتها وكنت بتمرن 5 مرات في اليوم عشان ربنا يكرمنى والحمد لله كرمنى ومع بداية أول دورى ليا مع البلديه ولحد دلوقتي مقعدتش ولا مباراة على الدكه ولا حتى تبديل وكان فى مباراة ف الدورى ضد نادى إتحاد بسيون وكان ساعتها أهلى وأصحابي جايين يتفرجوا عليا وابويا طبعا المباراة دي انا اخدت طرد فيها وكانت أسود مباراة في حياتى لحد دلوقتي مع إني سجلت فيها هدف 

انا لعبت 5 سنين دورى مع كذا فريق كنت بلعب مواليد 2001 ، 2000 ، 1999 ، 1997 ، وفريق أول

وكنت هداف الفرقه 4 سنين32 جول مع البلديةوالحمد لله جالى أكتر من عرض

قبل ما أروح المنتخب وبعد ما روحت المنتخب

جالي عروض من أندية الدوري الممتاز زي المقاولون العرب و نادي الداخلية و نادي انبىوجالى فريق كوم حماده و نادى دكرنس وجالى نبروه 

بس إدارة البلدية موافقتش ومرضتش تمشينى ومعروف عنهم كدا اصلا

انا لعبت اكتر من 200 مباراة ف 6 سنين مقعدتش ماتش واحد على الدكه الحمد لله وكنت بلعب في كذا مركز .

نادي بلدية المحله

لعبت مع منتخب الغربية وانضميت لمنتخب الشباب مع الكابتن ربيع ياسين امتي؟

أنا كابتن منتخب الغربية

لعبت منتخب غربية في 2018

ومنتخب الشباب 2001

فريق اول 2019.

إصابة غير متوقعة والكورة طبعا نصيب، بداية تعبك كانت ايه، وتعبت ازاي؟ 

تعبت في شهر 10 اللي فات كنت مزعق مع كابتن ف النادي بعد مباراة

وانا مروح ف الموصلات كنت مخنوق وزعلان جامد وجيت البيت هنا اتخنقت أكتر روحت اتمرنت لوحدى جريت كدا وشديت على نفسى في التمرين جامد وبعدها روحت الجيم واتمرنت تمرينة أقوى من الي انا متعود عليها وبتمرنها دايما وبعدين روحت نمت صحيت من النوم لقيت نفسى مش قادر اتحرك

نزيف في المخ ثقب في القلب

اتسبب ف جلطهاثر في شلل في الجزء الشمال. 

أيه آخر تطورات في حالتك الصحيه؟

بتعالج دلوقتي علاج طبيعى بقالى 10 شهور اهو وفي تقدم الحمد لله بقيت امشى كويس والمشيه بتاعتي بقت حلوهولسه اللى جى أحسن إن شاء الله .

هل إتحاد الكرة ساعدك في حاجه او النادي؟

هو إتحاد الكوره كان وقف جمبى شهر واحد في العلاج

انما النادي موقفش جمبى خالص لحد دلوقتى .

هل يوجد أحد  من إتحاد الكرة أو الكباتن بيتواصلوا معاك لسه؟

ايوة كابتن ربيع ياسين وكابتن على عيد وكابتن وائل صلاح وكابتن وائل حبيبى .

بتتمني ايه في المستقبل؟

ان شاء الله اقوم اقف علي رجلى وأنزل الملعب عشان اقدر أفرح ابويا وأهلي بس مش عاوز حاجه غير كدا .

من هو  مثلك الأعلى في المجال الكروي والحياة العاديه؟ 

ف المجال الكروى مثلى مؤمن زكريا وعمرو السوليه ، وفي الحياه العادية مثلى الأعلى هو والدي .

في الأخير.. حابب تضيف حاجه؟

حابب اشكر أهلى وبالذات ابويا واقوله ابنك راجع وبقوة

وحابب أشكر محمد ابن عمى برصو واقوله أخوك راجل ومش هيخذلك .

تعليق 1
  1. ꧁༺J꙰O꙰K꙰E꙰R꙰༻꧂ يقول

    ربِنِأّ يِّرجِعٌګ وِيِّفِّوِمَګ بِأّلََّسلَأّمَهِ أّزِّمَهِ وِتّعٌدِيِّ يِّأّبِطّلَ

اترك رد

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.