كشفت الفنانة ملك زاهر، عن أمنيتها و طموحاتها في العام الجديد، وعن أسوء وأفضل ما مرت به خلال عام 2021، وذلك عبر حسابها الشخصي بموقع تبادل الصور والفيديوهات “إنستجرام” .
حيث نشرت عدة صور وعلقت قائلة: “دي من اصعب السنين اللي عدت عليا علي مستوى حاجات كتير أوي منهم مثلا إني عملت حادثة وايدي اتكسرت وكان ممکن اقعد وقت طويل جدا متجبسة لولا ان الحمدلله الحمدلله ربنا سهلها و خفيت بسرعة”.
View this post on Instagram
وتابعت :”باحمد ربنا و بشکر فضله وطبعا ثانوية عامة اللي كانت نفسيتي فيها تعبانة جدا وتعبت أوي و طلع عيني فيها خصوصا إني كنت بصور بجد من أصعب شهور حياتي دروس بالساعات ومافیش نوم و مافيش أكل بس الحمد لله ربنا ماسابنیش و خلاني خلصت على خير وأهم حاجة إن أهلي وصحابي كانوا جمبي وفخورین بیا و حاجات كتير أوي بجد كانت صعبة عليا السنادي”.
وعن أفضل ما مرت به ملك زاهر قالت: “بس رغم كل الوحش والصعب ده كان في كتير حلو زي إني اتخرجت من المدرسة ودخلت الكلية اللي كان نفسي فيها وعملت مسلسل لؤلؤ و رغدة في نسل الاغراب و ياقوت في مسرحية عائلة لاسعة جدا و أخيرا و اللي متحمسة أوي أوي إنكم تشوفوها سماح في فيلم فارس”.
واستطردت: “وزي حملة أحكم علي اللي كان لي الشرف إني أكون جزء منها و زي إني عملت دايفينج لأول مره واتبسطت أوي ووصلت لـ 2.5 ملیون متابع.. بجد انتو عيلة تانية لي شكرا على كل حاجة وكل كلامكم الحلو و دعمكم، السنة كانت باشكر ربنا على وجود أهلي و صحابي في حياتي هم عارفين نفسهم من غيرهم يمكن السنة الصعبة دي ماكانتش هاتعدي كده”.
أمينة ملك زاهر في 2022
وكشفت ملك زاهر عن أمنيتها في 2022 قائلة: “باتمني السنادي تكون أحلى سنة على كل الناس أهلي و صحابي و انتو و کل كل الناس يارب Happy new year “.
وتنتظر ملك زاهر عرض فيلم “” بطولة أحمد زاهر، حسين فهمى، إيمان العاصى، نهال عنبر، أحمد صفوت، ملك أحمد زاهر، وعابد عنان، واللبنانية باميلا الكيك، وضيف الشرف صلاح عبد الله،من تأليف حسام موسى، وإخراج رؤوف عبد العزيز، وتدور أحداث الفيلم في إطار إجتماعي أكشن تشويقي.
آخر أعمال ملك أحمد زاهر
يذكر أن آخر أعمال الفنانة ملك أحمد زاهر مسلسل “نسل الأغراب” بطولة أحمد السقا، أمير كرارة، مى عمر، دياب، أحمد مالك، أحمد داش، فردوس عبد الحميد عبد الحميد، وآخرون، والعمل من تأليف وإخراج محمد سامى، وإنتاج شركة سينرجى.
