في حوار خاص لجريدة الانطلاقة الإخبارية مع الفنانه الصاعدة أمنيه غزلان بنت كفر الشيخ صاحبة 16 عام
..محمد صبحي قدوتي في التمثيل.
-ممكن تعرفينا بنفسك؟
_انا اسمي أمنية غزلان ممثل مسرحي وسينما وممثل نقابي تلفزيوني بألف وبخرج مسرح مصمم ديكورات ومصمم
استعراضات مسرحي بلعب ألعاب رياضية وبعزف آلات موسيقية برسم وبغني بدرس تانيه ثانوى علمي أزهري مرسل
تلفزيون سفيرة حول العالم والوطن العربي علاقاتي كتيرة من أنحاء العالم مشاركة بكذا منتدى ثقافي حول العالم
والوطن العربي وعلى موقع جوجل الفنانة أمنية غزلان وقريبا بمثل بدول الخليج والوطن العربي من مدينة كفرالشيخ
عندي 16سنه.
– متى انطلقتي في مجال التمثيل ؟
منذ 3 سنين بدأت مسرح على مسارح المركز الثقافي بكفر الشيخ ومسارح القومية وبدأت ميديا 2020.
-ماهي الصعوبات اللي واجهتك في بداية حياتك؟
الحقد والتنمر وقبلت بعض من المخرجين المسرحي كانوا بيكرهوني بالمجال بس مسمعتش كلامهم وكملت ومازلت
ووصلت الحمدلله والكثير من الصعوبات وقدرت اتخطاها بكل سهولة.
-أكتر حد ساعدك في التمثيل؟
مامتي وأصدقائي.
–أفضل ممثل بتحبيه وبتاخديه قدوة ليكِ؟
_محمد صبحي يعتبر أفضل ممثل لي وهو أحسن ممثل حقيقي.
-بتفكري تعملي إيه في الفترة القادمة؟
_أعمل مشروع لنفسي ولبلدي مثلًا شركة إنتاج ويكون فيه فريق مخصص للأبد وتكون الشركة على مستوى العالم ده
حلمي وأعمل حاجات كثيرة للبلد مثل المسارح وتنظيم المدينة للأحسن ولا أخلي أي حد من بلدي يحتاج المساعدة من
حد خارج المدينة، نفسي أوفر لهم كل شيء وأساعدهم ودايما نكون إيد واحدة وقلوبنا على بعض وعلى بلدنا ووطننا
العظيم.
– مين قدوتك في مجال التمثيل؟ وليه؟
الفنان محمد صبحي، لأنه أحسن ممثل وكل تمثيله متميز عن بقيت النجوم بسمعله أفلام من وأنا صغيرة ودايما بقلده في التمثيل.
– ليه اتجهتي للتمثيل بالذات؟
لأن له إحساس رائع الفن عموما ممكن أمثل مليون دور وأعيش حياة تانية خالص وقت التمثيل بكون في عالم تاني كأني
بوجه رسالة للمشاهد تعبر عن اللي بيحصل في الدولة عموما والمشاهد بحسها وبعيشها صح التمثيل حاجة مختلفة جدا، ممكن ألعب دور المجنونة الملبوسة بمعنى أصح، وبعيش في الدور ولا أكني مفيش حاجة باخد حريتي في أدائي وفي
تمثيلي أنا أعشق التمثيل والاجتهاد بالمجال عموما.
– ما هو طموحك على مدار الـ10 سنين ؟
يااه أكون بقيت فنانة كبيرة بإذن الله مثل سندريلا الشاشة السينمائية المصرية الفنانة سعاد حسني في بدايتها الذي بدأت
في أول عمل ليها بفيلم ” حسن ونعيمه ” وكانت تملك سن الـ16عامًا ، وانا أيضًا بدأت ميديا وأنا 16سنة ودا حلمي أكون ممثلة رائعة وتقدم كل أعمالها بتميز وكل الناس تفتخر بيها.
– من وجهة نظرك اي هي الصعوبات اللي ممكن تواجهك الفترة المقبلة؟
الحقد والغيرة والحسد من الناس زي الإرتباط زي حاجات كتيرة.
– ما هو رأيك في التمثيل المصري بوجه عام؟
_التمثيل مش وحش ولا عمره هيكون وحش وأنا من وجهة نظري بفضل تمثيل أيام زمان عن التمثيل الآن.
– مين أفضل مخرج من وجهة نظرك؟
المخرج محمد سامي حد كويس وشخصية جميلة وبيعرف يؤدي أعماله بامتياز جدا ومخرجين كتيرة اشتغلت معاهم
ناس محترمين ومخرجين مميزين.
– التمثيل في مصر محتاج إيه علشان يبقى مميز أو أفضل؟
محتاج الاجتهاد ويبعدو التمثيل الوحش نهائي ويرجع مثل أيام زمان هيبقى كويس وأفضل بكتير .
