عبّر طاهر محمد طاهر، لاعب النادي الأهلي، عن حزنه الشديد لغيابه عن مواجهتي فريقه أمام بالميراس البرازيلي وبورتو البرتغالي في بطولة كأس العالم للأندية 2025، مؤكدًا أن البطولة تمثل حدثًا تاريخيًا كبيرًا بالنسبة له وللفريق.
طاهر محمد طاهر يعبر عن حزنه
وقال طاهر في تصريحات إعلامية: “أكيد متضايق من غيابي عن المباراتين، دي بطولة كبيرة وأول مرة تتعمل بالنظام الجديد، وكان نفسي أكون موجود في كل اللقاءات. ماكانش سهل عليّا إني أتفرج على الماتش اللي فات من المدرجات، والماتش الجاي كمان هيفضل نفس الوضع”.
بتمنى التوفيق للفريق، ولسه عندنا فرصة نعدي دور المجموعات، وده هيكون إنجاز تاريخي لنا كلنا الفرص لسه متاحة لكل الفرق، ومحدش حسم التأهل في مجموعتنا بعكس مجموعات تانية، فكل فريق هيلعب على الفوز علشان يضمن الصعود”.
وعن اختلاف مستوى الأهلي بين الشوطين في المباراتين السابقتين، قال طاهر: “معنديش تفسير واضح لاختلاف الأداء، لكن دي تاني مباراة لينا، وممكن في التالتة نصلح الأمور. إحنا اتعلمنا من اللي فات، وإن شاء الله نقدر نحقق نتيجة إيجابية في المواجهة القادمة”.
وكان قد احتفل طاهر محمد طاهر، بحفل زفافه مؤخرًا، على فتاة تدعى “ليلى عبد الكريم” من خارج الوسط الرياضي، حيث انتهز لاعب الأهلي إجازة انتهاء دوري نايل، وقبل كأس العالم للأندية 2025، لعقد قرانه.
