*****
شعر /امال مبارك
*****
حساك انا
إنسان
ولا انت يعني ملاك
لابس توب البشر
حساك غريب عن كل شيء
حساك ياعمري ابن القمر
حساك في بسمة النجوم
ضي عاشق للسهر
حساك احن من النسيم
حساك زي طير ع الشجر
بيغني ويخبط بيباني
وانا صبح مستني القدر
ليك ياعمري انا بهدي روح
فيك حنان بيزيل جروح
من غير سؤال أو حتى بوح
فيك أمان وحنان وروح
المزيد من المشاركات
طبع غير كل البشر
حساك واخدني معاك في كون
لا فيه فراق ولا غربه وسفر
وابتديت أنا م الساعة دي
أخطف الأحلام ليلاتي
ووقف اللحظه في ساعاتي
وامسك الأيام بأيدي
وأحجز الأشواق يوماتي
جنب منك باالساعات
وداوي جرح الذكريات
وودع الخوف اللي ساكن
من زمان وعمر فات
وقتل الحزن في وريدي
وجدد الشريان معاك
بتمني أعيش كل اللي باقي
جوا حضنك
وأشرب الأفراح كاسات
******
شاعرة مصرية
التعليقات مغلقة.