أعلن الفنان أحمد العوضي ، زوج الفنانة ياسمين عبد العزيز، مغادرتها للمستشفى اليوم الجمعة، بعد تحسن حالتها الصحية.
وأوضح العوضى، بأن زوجته ستستكمل رحلة علاجها فى المنزل تحت إشراف طبى، بعدما أطمئن الأطباء على استقرار حالتها الصحية.
أحمد العوضي يطلب الدعاء لـ ياسمين عبدالعزيز
فيما طلب الفنان أحمد العوضي، من الجمهور الدعاء لزوجته الفنانة ياسمين عبدالعزيز، بعد دخولها غرفة العمليات.
كتب أحمد العوضي:” يمكن ببان قدامكم دايما قوي .. لكن الحقيقة أنا دلوقتي أضعف إنسان علي وجه الأرض عشان أنا روحي مش معايا … أنا ضعيف جدا من غيرك إنتي لازم تبقي كويسة ولازم تقومي بالسلامة … أنا لأول مرة أكتب من غير ما أكون مفكر أنا بكتب إيه وهكتب إيه … بس انتي هتقومي إن شاء الله بإذن الله عشان إنتي وعداني وعد وهتتفذيه”.
وتابع قائلًا:” انا عاوزك ياسمين عبد العزيز تبقي كويسه وتقومي عشان اقولك اني لو كنت ببينلك اني بحبك مره فالحقيقي واللي جوايا اني بحبك الف مره … وانا دلوقتي مش قوي زي ما انتي بتشوفيني انا دلوقتي ضعيف ضعيف جدا .. لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك” .
واختتم أحمد العوضي، حديثه قائلاً: “قومي عشان انا بحبك… بحبك اكتر بكتيير من كل الكلام اللي انا كتبته .. اكتر بكتير من كل اللي عدينا بيه مع بعض من ايام حلوه ومواقف صعبه مرت علينا … اكتر بكتير حتي من الموقف اللي احنا فيه دلوقتي .. انا بحبك .. ادعولها تقوم بالسلامه زي ما انتو دايما بتدعولها بالنجاح والتوفيق .. هي دلوقتي محتاجه دعواتكم”.
جديرا بالذكر فإن آخر أعمال الفنانة ياسمين عبد العزيز وزوجها مسلسل “” تأليف عمرو محمود ياسين وإخراج مصطفى فكري وإنتاج شركة سينرجي، وبطولة ياسمين عبد العزيز وأحمد العوضي، وخالد الصاوي، ودينا فؤاد، وأحمد سعيد عبد الغني، ودنيا عبد العزيز، ومحمود حافظ، وإيمان السيد، وأحمد عبد الله محمود، ومحمد عبد العظيم، ومحمود ياسين “جونيور” وحلا زلط.
ويذكر أن تدور أحداث مسلسل “اللي مالوش كبير” حول “غزل” والذي تجسد هذه الشخصية النجمة ياسمين عبد العزيز ، بأن تتزوج من رجل مسنًا والذي يكبرها في العمر بمراحل، وتدخل في صراع مع والدها بسبب قسوته عليها ، وتتوالى الأحداث في إطار درامي مشوق وغيرها.
